Reportazen:Angelina de Jesus/Televiana Lopes
DILI (lifaupress.com) : Hafoin remata missa iha igreja Motael,sarani sira kontinua marxa ba iha semiteriu Santa Kruz hodi Komemora Loron Nasional Juventude no Selebrasaun Tinan 33 Masakre Santa Cruz, Dili.
Marsa ne’ebe partisipa husi sarani sira, hahu husi Igreja Motael, la’o ba Santa Cruz liuhusi tasi-ibun, Palasiu Governu Dili, estadiu Munisipal, Balide no tama ba Santa Cruz. Durante Marsa, sarani sira lori bendera RDTL, Falintil, Portugal, Fretilin, Oxetil no seluk tan. Entreatntu familia vitima sira, lori foto membru familia ne’ebe mate iha masakre Santa Cruz, 12 Novembru 1991.
Iha marxa ba iha Semiteriu Santa Kruz ne’e partisipa maximu husi Sarani sira nomos hetan seguransa maximu husi parte seguransa nian
Autoridade Seguransa sira ne’ekompostu husi Falintil – Forsa Defesa Timor-Leste (F-FDTL), Policia Nasional Timor-Leste (PNTL) no Batallaun Obra Publiku (BOP).
Seguransa ne’e konsentra ba aredores ne’ebe mak sarani sira liu, la’o marxa ba iha Santa Kruz nomos fatin ne’ebe mak movimento ba iha transporte sira ba – mai. (*)
