Reportagem: Televiana lopes/Elizaria
DILI ( lifaupress): Ministeriu Administrasaun Estatal (MAE), liuhusi Sekretáriu Estadu Dezenvolvimentu Lokál (SEDL), Mateus Willfredos dos Santos Tallo, kinta (13/02/2025) iha Dili, lansa Ofisiál relatoriu, avaliasaun rekursu no kapasidade munisipal
Dadus ba relatoriu ida ne’e, rekolla husi ekipa Sekretáriu Estadu Dezenvolvimentu Lokál tinan 2024, no ohin konsege halo ona Lansamentu ba relatoriu refere. Serimónia lansamentu ne’e hala’o
Iha diskursu Sekretáriu Estadu Dezenvolvimentu Lokál (SEDL), Mateus Willfredos dos Santos Tallo hateten, relatoriu ne’e importante tebes, tanba dadus kona – bá setor hotu iha ona relatóriu ne’e.
“ Ida – ne’e bele ajuda lideransa komunitaria sira bele elavora no prepara Planu Dezenvolvimentu Komunitaria ho di’ak no tuir matan, bazeia ba Dekretu Lei no 4 /2024.
Sekretáriu Estadu ne’e mos hateten, iha relatoriu ne’e, hatudu mos dadus detallu husi kada suku. Nune’e ajuda tebes autoridade suku sira, atu halo diskusaun no aprezentasaun ba sira – nia planu iha asembleia aldeia, ka asembleia suku no Postu Administrativa, antes to’o Munisípiu. Dadus ne’e mos sei ajuda Prezidente Autoridade sira, atu halo revizaun bá sira – nia planu dezenvolvimentu munisipal.
Iha dadus ne’e, foka mos dadus ba setor oin-oin, hanesan, Setor Edukasaun, Saúde, Transporte, produtu lokal, agrikultura, Infrastrutura, Turizmu, no eletrisidade.
Tanba ne’e, medida ne’ebe Munisípiu no Nivel Suku hamutuk ho Governu sei halo, mak liuhusi Governu-nia programa hanesan, Programa Nasionál Dezenvolvimentu Suku (PNDS), Programa Dezenvolvimentu Integradu Munisípais (PDIM) no linhas Ministerial, hodi halo intervensaun, no dezenvolve setor sira.
Tuir dadus ne’e, hatudu maioria suku sira sei hasoru problema iha setor oin-oin. “ Ita sei uza dadus hodi kontinua ajuda ita nia lideransa komunitaria no autoridade munisipiu sira, hodi elabora sira – nia planu kada tinan, submete ba ministerium antes debate iha Parlamentu Nasionál,” Tallo hateten.
Partisipa mos iha lansamentu ne’e, Vise Primeiru Ministru, Mariano Asanami Sabino, Sekretáriu Estadu Toponimia e Organizasaun Urbana (SEATOU), Germano Santa Brites, Sekretáriu Estadu Floresta, Fernandino Vieria da Costa, no Prezidente Autoridade Munisipal husi Munisípiu hotu, Administrador do Postu Administrativu, Reprezentatnte Xefi Suku sira husi Munisipiu 12 inklui Atauro, Diretores Jerais iha MAE no Liñas Ministeriais, Kargu Xefia sira, no Funsionariu sira. (*)
