Reportajen: Selestinho Mani Falo
OE-CUSSE (Lifaupress) Institutu Nasional Kombate moras HIV&SIDA, Segunda-Feira (08/07/2024), halo abertura ba sensiabilizasaun moras HIV-SIDA iha sede suku Costa, postu administrativu Pante Makasar, Reziaun Administrativu Espsial Oe-cusse Ambenu (RAEOA).
KOMUNIDADE – Foto leten no karaik – Kresidente INSCIDA, Daniel Marçal, no Komunidade Suku Costa, Pante Makasar, RAEOA, rona sensializasain kona-ba perigu hus HIV/SIDA, Segunda-feira (8/7/2024) husi INSCIDA no Autoridade RAEOA. Foto LP/Selestinho M. Falo
“Ita mai halo sensiabilizasaun iha RAEAO loron 5 hahú loron 08-07-2024 to’o loron 13-07-2024, tanba ema na’in 73 mak kona moras HIV-SIDA ho nune’e ami mai ho ekipa fahe informasaun atu prevene moras ida ne’e, uluk tinan 2014 númeru tun maibé mai fali tinan 2024 aumenta”, dehan Presidente INSCIDA, Daniel Marçal ba jornalista sira iha sede suku Costa, RAEOA.
Nia informa, fatin ne’ebe mak atu halo sensiabilizasaun hamutuk 4 hanesan, suku Costa, Eskola Tekniku Vokasional Etaro, suku Cuhna, suku Lalisuk no Eskola Canosa Santo António.
“Oe-cusse estratejia ba negosiasaun, industria no tuirsmu mak hadaet moras HIV-SIDA no troga mosu relasaun sexual livre ba ketuas, ferik liu-liu joven sira hola malu lakleur so’e malu”, nia afirma.
Nia hateten, programa ne’e sei kobre hotu postu administrativu 4 ne’ebe mak kompostu iha RAEOA.
“Ami sei mai fali atu hatutan informasaun moras HIV-SIDA ne’e ba komunidade tomak iha RAEOA atu nune’e bele konbate no prevene”, nia dehan.
Enkuantu, Presidente Autoridade RAEOA, Rogeriu Tiago de Fatíma Lobatu haktuir ba nia diskursu, moras ida ho naran HIV-SIDA ne’e perigozu tebes-tebes ba ita ema humanu.
“Moras HIV-SIDA nia influensia mai husi halo relasaun sexual livre no tato no mos laiha aimoruk atu kura, iha deit aimoruk ida, atu halo prevensaun ba moras HIV-SIDA halo sirkulasau deit iha ita nia isin lolon “.
Ita halo komparasaun deit ho nasaun seluk, laos katak sira la hetan moras maibe sira nia númeru laiha aumentasaun, tanba sira la tauk atu konsulta iha Hospital maibe mai fali ita tauk hospital atu konsulta.
“Hau apresia ba INSCIDA ninia programa ida ne’e tanba ohin loron bele halo sensiabilizasaun nee ba komunidade RAEOA atu hatene klean ba HIV-SIDA”.
Tuir observasaun jornalista www.lifaupress.com ba sensiabilizasaun hetan abertura husi Presidente Autoridade RAEOA.
Entretantu, xefe suku Costa, Francisco Colo, kontente tanba populasau husi suku Costa partisipa ho maximu kuaze 400 tall kompostu husi aldeia 5 mak hanesan, Xanane, Oesono, mahata, Laku Foan no Oetfo.
“Moras HIV-SIDA ne’e moras ne’ebe fó impaktu bo’ot ba ita hotu nia vida, maibe espera ha’u nia komunidade sira hotu hatene klean ba moras HIV-SIDA tanba durante komunidade balun la hatene saida mak moras HIV-SIDA liu-liu joven sira hotu”, nia dehan.
Suku Costa kompostu husi aldeia 5 ho uma kain hamutuk 3435 no populasaun na’in 15.450.(*)
