Reportajen : Celcia Magno
VENILALE(Lifaupress)FC Loro-Matan haksoit ba Jogu Final Ho Skor 3-1 kontra FC Leao ba Desportu Komunitariu nebe hala’o iha kampu Futebool Postu Venilale munisipiu Baucau Sabadu (16-11-2024)tuku 3:00 Loraik OTL
Bainhira tama ba jogu Final Adeptus kuaze atus ba atus , ida-idak akompanha nia klubu rua nakonu iha kampu sorin-sorin hodi fo suporta ba sira nia fans favoritu hodi hakilar haksoit no sai penontong setia iha loraik kmanek ne’e
Tama ba jogu primeira parte ,FC Leao ho FC Loro-Matan hahu jogu ho diak tebes,pasa bola ba malu ho ida-idak nia jestu tekniku jogu ho nune’e FC Loro-Matan hadau bola maka’as ho esforsu iha deit minutu balun jogador Joanico ho numeru kamizola 14 marka golu ida iha minutu 14:00 nia laran ho skor 1-0.
Ho golu refere,halo FC-Loro-matan Fiar an no atake bola maka’as husi FC-Leao sira no pasa bola ba malu ,lakleur iha minutu 27 FC Loro-Matan Marka tan golu 2 ba FC Leao ho skor 2-0 nebe marka golu husi jogador Nivio ho numeru kamizola 7.
Liuhusi golu rua ne’e FC Leao lakoi atu lakon ho FC Loro-matan nune’e ho esforsu atake bola ba FC-Loro-matan ho minutu nebe atu besik remata ba Primeira parte ,Jogador ABio ho numeru kamizola 7,halai ho bola maka’as no konsege marka golu 1 iha minutu 52 ba FC Loro-Matan ho skor 2-1 to jogu primeira parte remata.
Ba jogu refere halo adeptus sira iha kampu sori-sorin suporta hakilar ba sira nia fans favoritu no halo jogador husi klubu rua ne’e la sente kolen no halo sira iha mentalidade diak liu tan atu marka golu iha minutu tuir mai.
Tama ba segundo Parte FC Leao ho ii FC Loro-Matan hahu hadau malu bola atu tama ba faze final ho jogador sira nia jestu tekniku, nune’e husi klub rua ne’e ida nebe mak sei marka golu iha minutu tuir mai tanba ho esforsu pasa bola ba malu atu marka golu ba baliza rua husi FC Loro-Matan no FC Leao.
Atu remata ba jogu segundu parte iha minutu nebe besik remata ona ,FC Loro-Matan haka’as an hadau bola husi FC Leao halo adeptus sira tauk tebes ba jogador husi klubu rua ida nebe mak atu msrks golu iha minutu ikus nian no ida nebe mak atu tama ba faze final no ikus iha minutu 89:00 jogador Nivio ho numeru kamizola numeru 7,kontinua marka golu datoluk husi FC Loro-Matan ba FC Leao ho skor 3-1 to’o jogu segundo parte remata.
Ikus mai FC Loro-Matan manan ho skor 3-1 no tama ba faze final ba desportu komunitariu nebe antes ne’e abertura iha fulan Maiu kotuk liuba no ba FC Leao Oportunidade ba Tempu oin iha jogu tuirmai. (*)
