Reportazen: Jerino F B P Bere
OE-CUSSE (lifaupress): Estudante hamutuk na’in 111 husi Universidade Da Paz (Unpaz) Sentral, hamutuk ho klase normal Rejiaun Administrasaun Espesial Oe-cusse Ambenu (RAEOA) desloka ba idaidak nia suku, hodi halao pratika Aprendizajen Kampu (PAK) 2025,
Serimonia entrega estudante UNPAZ husi fakuldade 6, entrega ona ba postu administrative, Tersa (22/04/2025) hodi halo promosaun no sosializasaun kona-ba siensia, teknolojia no inventarizasaun problema iha sosiedade leet.
Iha Prátika Atividade Kampu (PAK) ne’e, estudantes sira tun ba baze, moris hamutuk ho inan – aman sira, hodi identifika saida mak sira sente, han no haree produsaun saida mak komunidade iha hodi sustenta sira-nia moris lorloron.
Hafoin halo observasaun no peskiza ne’e, estudante sira iha responsabilidade moral, atu halo promosaun no sosializasaun ba inan – aman sira kona – ba siensia no teknolojia.
Alemde ne’e, buka hatene kona ba inventirizasaun problemas iha sosiendade tuir estudante nia area espesifiku.
“Ha’u orgullu tebes, tanba ha’u mai iha-ne’e simu estudante sir aba dala rua ona. Primeira vez iha Postu Administrativu Pante Makassar tinan 2024, estudante sira kuaze tama hotu suku, aldeia no bairo sira,” Administrador Postu Administrativu Pante Makassar, Lorensu da Cunha hateten iha edifisiu Postu Administrativu Pante Makassar.
Hanesan Oe-cusse oan, Administradir Postu husu ba estudante sira, atu hatudu hahalok di’ak ba komunidade sira, liu-liu inan-aman sira, nu’udar lider ida ba future.
“ Ha’u mos atu ajuda Xefe Suku sira, Aldeia liuhusi hadia dadus sira iha aldeia no suku, tuir dixiplina siensia ne’ebe estudante sira hetan,” nia dehan tan.
Entretantu, Koordenador Programa PAK Regiaun Administrativa Espesial Oe – cusse Ambeno (KP-Pak-RAEOA), dosente Jose Manuel Maniquin, AP.Lic.Eng M.Eng. esplika, tinan Akademiku 2025, UNPAZ muda konseitu ba programa PAK.
“ Kada estudante fila ba nia Postu, suku no aldeia, moris hamutuk ho Inan-aman no komunidade sira, hodi sente saida mak inan-aman sira sente, bainhira moris areia remontas no rural,” Maniquin dehan.
Dalamruma, Jose Maniquin hatutan, inan-aman sira la asseu bee moos no eletrisidade atu sente. Programa PAK mos nia orientasaun atu hakman Guvernu no autoridade sira.
Iha okaziaun ne’e mos entrega dokumentu kona-ba dadus estudantes estajiariu PAK husi postu sira. Partisipa mos iha seromonia ne’e, Prezidente Komisaun PAK, Kordenador PAK husi Monisipiu Dili, RAEOA, Koordenador PAK Pante-Makassar, estudante no dosentes sira. (*)
