Reportagen: Osterlia Muni
DILI-(lifaupress): Konfederasaun Nasional Kooperativa Timor-Leste organia formasaun ba jestor kooperasitva sira, hodi asegura no hametin jestaun Institusional ba sustentabilidade kooperativa sira.
Durante okaziaun formasaun ne’ebe hala’o iha iha salaun FCCHM Bairo pite Dili, Tersa feira (01/07/2025), Prezidente Konfederasaun Nasional Kooperativa Timor-Leste, Elezario Ferreira hateten, formasaun ne’e mos nudar parte atividade ida atu komemora loron internasional Kooperativa ne’ebé monu iha iha loron 5 Jullu 2025.
Komemorasaun tina ne’e ho tema “ Kooperativa Konstroi mundu ida diak liu”. Signifika, estabelidade finanseira Kooperativa nian asegura kapital finanseira no ekonomia ba membru sira hotu
Iha tinan 2012, Sekretáriu Jeral Organizasoens Nasoen Unidas (ONU), Ban Ki-Moon. Tuir mai fulan Jullu tinan 2024 Sekretáriu Jeral Estadu Unidus ONU, Antonio Guterres deklara hikas. No deklara mos tinan 2025 nu’udar tinan internasional Kooperativa.
Iha loron 05 Jullu 2025, Federasaun Kooperativa Kreditu Hanai Malu sei realiza Asembleia Jeral tinan 2024 nia hodi avaliasaun progresu no dezafiu sira.
Ne’ebé kooperativa infrenta liu-liu hare’e oinsá ezistensia Kooperativa iha Timor-Leste hodi fo solusaun finanseira no ekonomia uniku ba povu tomak.
Fiderasaun Kooperativa Kreditu Hanai Malu nia primariu membru hamutuk 73, maibé ativu loos ne’emembru 47 ho membru rejistadu hamutuk ema 32.192, kompostu mane 47% no feto 53%.
Iha Fiderasaun Kooperativa Kreditu Hanai Malu ho orsamentu montante $ 22 milloens no iha kooperativa sira ho montante $18 milloens mak serkula iha baze.
To’o Jullu 2025, serkula ona kapital empretismu husi membru rihun 19 ho orsamentu serkula ba sira ho montante $13 milloens.
“Iha fatin hanesan, Prezidente FCCHM Flavio Maria Guterres haktuir, tuir estatutu FCCHM, kada tinan halo reuniaun dala rua atu aprezenta relatoriu anu fiskal anterior no fulan Dezembru halo reuniaun planeamentu nasional.
“Ohin, ami halo uluk formasaun ho objetivu atu membru sira husi primariu Kooperativa sira fahe informasaun ba malu. Fasilita formasaun maihusi Asian Confederation Credit Union (ACCU),” Prezidente FCCHM Flavio Maria Guterres informa.
“Iha tinan 2015 FCCHM servisu hamutuk ho ACCU halo programa boot ida naran estandarizasaun ba Kreditu Uniaun (CU) sira, no indetifika Kooperativa primariu hamutuk 20 mak tama estandarizasaun. (*)
