Reportajen : Ana Ribeiro
DILI (lifaupress): Guarda ho prizioneiro Becora komemora aniversariu loron Restorasaun independensia 20 de Maio ba dala XXII, Segunda-feira (20/5/22024) iha areador Prizaun Becora, Dili.
SERIU –– Prizioneiru sira serio partecipa cerimonia usar Bandeira, odi celebra anniversario loron Restaurasaun Indeoendensia ba dala 22 iha Prizaun Becora, Dili, Tersa (20/5/2024. Foto Dog/Anna
Serimonia aniversariu loron Restorasaun independensia 20 de Maio ba dala XXII ne’e, hala’o liuhusi Isar Bandeira, partisipa husi autoridade prizaun sira, Guarda no prizioneiru sira.
Diretor Estabelesimento Prizaun Becora, Julio Dias Ximenes nudar Inpetor hateten, serimonia isar Bandeira hodi selebra aniversariu loron Restorasaun independensia 20 de Maio ba dala XXII, la’o susesu tanba preparasaun di’ak husi parte hotu.
Atividade sira seluk mak organiza ona asaun karidade hanesan doasaun ran kuaze ema 36 no Misa agradesimentu ba ita nia heroin sira.
“Ohin Loron 20 de Maio, ita halo seremonia isar Bandeira.B a Maluk prizioneiro sira – nia dever.importante liu mak hela metin liu nafatin iha estabelesimento prizional, to’o hetan mandadu libertasaun husi Tribunal mak ita boot sira bele sai. Ida nee ita boot sira hatudu tiha ona,” nia dehan.
ISAR BANDEIRA –-Responsabel Isar Bandeira halo hela Isar Bandeira. Entretantu Diretor Estabelesimento Prizaun Becora, Julio Dias Ximenes nudar Inpetor seromonia, hamutuk ho Xefia sira fo Onra. Foto Dok/Anna
Kona-ba indultu, Julio Dias Ximenes hateten, Estabelesimentu Prizional Becora,apresenta ona lista kandidatura ba indultu hamutuk ema 159.
“ Ita – boot sira hein hela. Ha’u hatene ita – boot sira hakarak sai lalais, maibeprosesu mak la’o hanesan ne’e. Maibe, familia sira balu ba direitamente Presidente Republika, ne’e ha’u la kontrola,” nia dehan tan.
Diretor Prizaun Becora, Julio Dias Ximenes mos reafirma, tinan ida ne’e di’ak, tanba laiha kriteira hot-hotu, prizioneiru bele aprezenta pedidu indultu. Desizaun depende ba Prezidente Republika.
Nia mos dehan, prizioneiru sira durante iha prizaun, presiza iha buat tolu mak patriotizmu, nasionalizmu no profesionalizmu.
Nia mos informa, Iha prizioneiru tama prizaun kuaze iha fulan tolu ona hamutuk ho bebe na’in rua. Bebe na’in ida halo tinan ida, bebe ida ki’ik mai ho fulan ida.
“ Bebe tinan boot ne’e entrega fali ba aman, bebe ida ki’ik ne’e hela ho nia inan iha ne’e. Entaun agora tama ona ba fulan tolu daudauk iha ne’e hela,” Diretor Julio Ximenes dehan.
Atualmente, Prizaun Becora, Dili iha prizioneiru na’in 424 ho Guarda prizional na’in 138. “ Prizioneiru sira joven barak. Presiza atensaun la’os mai kastigu deit, lae. Ida – ne’e ita bolu restirasaun Sosial. Prepara sira, kapasita sira pois reentrega ba sosiadade sira no familia sira. (*)
