LIKISA (lifaupress): Maniera oioin, husi povu Timor-leste, liuliu iha munisipiu sira bainhira selebrasaun loron nasional, inklui Aniversariu Proklamasaun Independensia bad ala 49, tinan ne’e.
SA’E BUA – Hafoin serimonian Isar Bandera iha kapitan Likisa, kontinua ho kompetisaun sa’e bua. Foto Media Komando PNTL Likisa
Iha munsipiu Likisa, selebrasaun loron Aniversariu Proklamasaun Independensia bad ala 49, ne’ebe monu iha loron 28 Novembru 2024, anima ho kompetisuan sa’e bua hodi hadau malu sasan sira ne’ebe preparadu iha bua leten.
Tuin informasaun ne’ene www.lifaupress.com hetan asesu husi akun ofisial Facebook Komando Polisia Likisa, kompeisaun sa’e bua halao, hafoin serimonia ofisial isar Bendera RDTL.
Iha serimonia ofisial Isar Bandera, ne’ebé realiza iha Kampu Football Liquiçá Vila. marka mos prezensa husi Komandante Komandu PNTL Munisípiu Liquiçá, Superintendente Polísia, Paulino Carmo Pereira noPrezidente Autoridade Munisípiu Liquiçá hamutuk ho Administrador Postu Administrativu Liquiçá, lider relijiozu Nai Lulik no madre sira, nai Veteranus sira no Autoridade Lokal sira, Komandante Komandu PNTL Munisípiu Liquiçá ho membru tomak, Ofisiál Ligasaun F-FDTL Postu Destakadu Liquiçá ho membru tomak, Diretor Edukasaun, Sosial, Agrikultura, Saude, SAS, Komandante Bombeiros, Protesaun Sivil no DNSPP, CVTL, Profesores no estudante sira inklui mos populasaun sira iha Munisípiu Liquiçá.
Iha kompetisaun sa’e bua, labarik no foin-sa’e sira hadau malu atu bele compete. Ai bua ne’ebe preparadu, kose ho oliu ne’ebe mahar, halo competitor sira la fasil atu sa’e bua. Enki esforsu maka’as, hodi liutiha ai namdoras ne’ebe mos perigu ba fiziku.
Maske nune’e, ikus mai competitor sira balun konsege sa’e to’o buah leten no foti sasan sira ne’ebe tara iha bua leten. Komunidade sira ne’ebe hamrik haleu area ne’e, animadu tebes no espresa sentiment haksolok.. To’o kompetisaun remata, la iha disturbu social, tanba hetan seguransa maximu husi PNTL.
Atividade Sa’e nuudar tradisaun ne’ebe introtuz kedas iha tempu okupasaun Indonesia. Alende kompetisaun sa’e bua, iha mos atividade Poezia, Dada Tali, vizita Expozisaun no Dahur hamutuk. (*)
