Jornalista : Anagracia
DILI (Lifaupress) : Ministeriu Edukasaun servisu hamutuk ho Komisaun funsaun Públiku no hetan apoiu husi Organizasaun Non Governmental Belun, realiza teste eskrita eletroniku ba kandidatu manorin selesinadu hamutuk 13.021.
Total numeru ne’e, kompostu husi feto na’in 7.924 no mane 5.097. Abertura Teste ne’e ofisializa husi Primeiru Ministru. Kairala Xanana Gusmaun. Sesta-feira (15/3/2024) no remata iloron 16 Abril 2024 iha Komisaun Funsaun Públiku, Mataduro, Dili.
Prezidente Komisaun Funsaun Públika, Agustinho Letêncio de Deus informa, kanidadu manorin sira ne’ebe aplika ba vaga ne’e hamutuk na’in 14.152. Husi numeru nee, admitidu ba teste eskrita eletroniku hamutuk 13.021, no la admitidu hamutuk 1,131, maihusi feto 177 no mane 453.
“TKada loron aula 4, dader turma rua no lokraik turma rua. Kada turma prienxe kandidatu nain 150, durante ba oras rua, teste husi loron segunda to’o sabadu,” Prezidente KFP, Agustinho Letêncio de Deus informa liu husi nia diskursu ba abertura teste eskrita ba kandidatumanorin sira iha salaun CFP Matadoro, Dili (15/03/2024).
Teste eskrita eletroniku nuudar esforsu husi Governu Konstituisional da-sia, liuhusi ministeriu edukasaun no Komisaun funsaun publika, akompaña husi sosiedade sivil Belun, atu atinji mehi kualidade professor sira nian.
Iha teste ne’e depende kandidatus sira, atu demostra sira – nia koñesementu liuhusi kada pergunta. Nune’e lahare’e ba familia ka kor, maibe bazeia deit ba rezultadu teste husi komputador.
“Teste eskrita eletroniku ne’e loke odamatan ba kareira dosente no kria oportunidade ba professor sira, atu ezerse sira- nia funsaun ho dignidade, profisional no bele hamenus professor voluntariu sira – nia problema.Tamba ne’e, ministeriu edukasaun, Komisaun funsaun públika no NGO belun garantia transparansia no imparsialidade,” Prezidente CFP afirma.
Enkoraja mos ba kandidatu sira, atu partisipa ezame ho kuidadu no atensaun, tamba wainhira aprova ona, prense hotu ona ne’e mak rezultadu duni. (*)
