Reportagen : Florentina Bianco da Cruz
DILI— (Lifaupress ) : Institutu Internasional INCANTO, Sesta Feira (30/05/) iha edifísiu INCANTO Lecidere, Dili, asina akordu ho estudante na’in lima (feto 3, mane (2) area medisina ne’ebe selesianadu, hodi partisipa formasaun formador (TOT) AGE CARE durante tinan ida Iha Tibar no Austrália.
Diretor Ezekutivu Intitutu Internasional Incanto, Joanico Jeronimo Ceo ba jornalista www.lifaupress.com esplika, programa Training of Trainer (TOT) ba AGE CARE ne’e kolabora ho SEFOPE no Governu Austrália, ho durasaun fulan 9 kompostu husi fulan tolu iha rai-laran no fulan neen iha Australia.
Hafoin formasaun, formadu na’in 5 sei mai fali INCANTO hodi sai formador ba Timoroan sira ne’ebe prepara aan atu ba servisu iha Austrália.
Nia informa, AGE CARE Austrália loke Vaga rihun atus ida resin ba Timor-Leste, maibe seidauk iha rekursu atu simu oportunidade ida -ne’e.
“ Tanba ne’e, hamutuk ho Sefope realiza formasaun ba formador ka Training of Trainer (TOT), nune’e iha futuru sira sai fali formador ba Timoroan sira seluk,” nia dehan tan. Nia mos sente ne’e nuudar oportunidade di’ak ba Timoroan, tanba la iha industria boot iha rai-laran, atu loke servisu ba Timoroan hotu.
Iha sorin seluk, husi Medisina Piter Monteiro, asina akordo ho Incanto, liuhusi Sefope mos atu loke oportunidade ba timoroan na’in 30 partisdipa formasaun iha universidade estranjeiru
Servisu AGE CARE mak servisi ida atu tau – matan ba ema idade avansadu sira iha uma, nune’e tenke prepara ema ne’ebe iha abilidade no kapasidade atu tau-matan ba ferik-katuas sira. “Servisu ne’e hodi tau – matan ba ema ida nia nesesidade lorloron, inklui nesesidade mediku,” nia esplika.
Jacinto de Miranda Barros Soares, nuudar aman husi Vanexa Ceisas Miranda senti sente orgollu, kontente no agradese ba INCANTO tanba fó ona opurtunidade bao an sira partisipa formasaun espesial ida-ne’e.
” Nuudar Inan-aman, suporta nafatin oan sira, atu alkansa no tinji Espera sira fila – fali mai Timor, prontu atu hala’o knar ho di’ak, hamutuk Incanto enkoraja Timoroan sira aprende servisu tau-matan ba idozu sira no saude publiku,” Jacinto de Miranda Barros Soares dehan. (*)
