Reportajen:Ana Graciana Soares
DILI( lifaupress): Angelita Saldanha, bolseira Hakbiit nuudar oan ki’ak husi Inan difisiente moris vulneravel tebes, durante ne’e agradese hetan bolsu hakbi’it hodi eskola iha Institutu Profisional de Canossa. Maibe desizaun Governu da-sia hapara kustu da vida ne’e, influnsia ba nia estudu no sei sai falla.
Angelita Saldanha, estudante Semestre 4 ne’e, hato’o ida ne’e ba jornalista sira, Kuarta (27/6/2024 iha Dili, hafoin partisipa konferensia imprensa bolseiru sira, ne;ebe kontra Governu dasia nia desizaun ne’e.
Nia dehan, durante ne’e fatin atu toba mos depende ba kolega sira. Tanba la iha osan atu selu Kost.
Angelita Saldanha, ne’ebe nia aman mos matebian ona dehan, antes eskola iha Canossa tanba bolseiru, nia mai Dili buka formasaun atu kapasita an.
“Ha’u agradese ba governu da-walu nian programa hodi fo ona bolsa hakbi’it ba ami maibe governu da-sia hapara tiha programa ne’e, muda fali ba programa parsial hodi halakon kustu da vida ba ami , entaun ami hasoru problema barak mak la selu kos fulan 8, kos na’in hasai ha’u nia ropa no duni sai. Hau agora lao nu’udar ai-leba, ba iha fatin ne’ebé maka kalan entaun, toba iha ne’e,”Bolseira hakbi’it, institu Profisional Canossa, Angelita espresa kondisaun moris ba jornalista.
Nia mos rekunhese, nia inan hetan osan idozu maibe idade 60, maibe kada fulan 3 hetan $180. Osan ne’euza hola ai moruk mos la to’o, no labele suporta selu eskola.
“Ukun na’in sira iha fuan karik tau matan netik, keta husik deit ami kbi’it laek oan, difisiente oan sira, ai-leba oan sira, oan kiak sira ne’ebé fo ona oportunidade monu hanesan ne’e deit,” Nia rekomenda
Iha fatin hanesan, Angelita nia kolega bolseira hakbi’it iha Universidade Dili, Luciana Marques Mendez hakbesik an ba jornalista sira hodi konta uituan Anjelita nia problema.
“ Durante ne’e la iha ema ida ajudaAngelita. Nia sai husi kos, dala ruma husu ajuda ba deskansa iha hau-nia fatin. Maibe hau la selu kos fula neen ona entaun kos na’in ejiji maibe nafatin komunika katak ami nia kontratu bolsu nian agora falla,” bolseira UNDIL ne’e afirma.
Lucia, estudante ida ne’ebe mos maihusi familia simples, ekonomia la sufisiente, bin no maun sira la eskola hotu. (*)
