Reportagen: Osterlia Muni/Maria feno colo
DILI – (Lifaupress): Formandu na’in 50 husi munsipiu 13 no Rejiaun Administrativu Espesial Oe-cusse Ambeno (RAEOA), Tersa-feira (01/04/2025), partisipa formasaun kona-ba leitura mapamentu durante loron haat iha Salaun Esperansa, Delta, Comoro, Dili.
Objetivu husi formasaun ne’ebe organiza husi Sekretaria Estdau Floresta no Sekretaria Estadu Kooperativu ne’e, atu eleva kunhesimentu no kapasidade identifika Geografia ne’ebe potensial ba produtu madeira no non madeira.
Diretor Jeral Sekretaria Estadu Kooperativa (SECOOP), Olderico Lopez hateten, sistema Jeografika ho leitura mapa ne’e importante tebes. “Formasaun nudar baze ida, atu introduz mapamentu ba funsionario sira, hodi halo dadus tuir mapamentu area potensial produtu lokal iha munisipiu idak- idak,”
Formandu sira, tuir Olderico Lopez, sai pesoal administrasaun, tilun no matan ho dodi transforma matenek ba povu agrikultura kona-ba oinsa produtu local bele hetan asesu ba merkaduho kuantodade boot no kualidade.
Nune’e, Diretor Olderico Lopez hatutan, bele hasa’e redimentu ekonomia familia . “Ita servisu hamutuk atu promove produto florestas madeira no non madeira, hanesan Bani been. Governu hakarak promove produtu Bani – Been no seluk tan atu iha valor ekonomia ba familia no nasaun. Nune’e, ba future, labele dependenti ba produtu sira husi nasaun seluk,” nia dehan tan .
Sekretariu Estadu Floresta, Fernandino Viera da Costa hatete, formasaun nee tulun Governu hodi utiliza mapamentu indentifika potensia ekonomia husi grupu agrikultura no koperativu sira iha Postu Administrativu to’o aldeia sira.
Formasaun ne’e, involve Koordenador Koperativa sira husi municipiu no RAEOA. “ “Ita servisu hamutuk hodi promove produtu lokal, hanesan bai-been no kutulak, nuudar produtu floresta non Madeira,” nia dehan tan. (*)
