Reportajen : Celcia Magno
VENILALE(Lifaupress)Fundasaun Sentru Haburas Feto FCHD ofesrese material agrikultura ba membru hortikultura sira husi suku rua hanesan suku Fatulia no Uatu-Haco iha salaun postu Venilale,Segunda feira(11-11-2024)tuku 10,dader OTL.
Ba material agrikultura ne’ebe fahe ba membru hortikultura mak hanesan fini, hanesan modo,Repollho, tomate, Adubo no no seluk tan atu utiliza ba sira nia grupu ida-idak.
Antes oferese material agrikultua FCHD fahe mos formasaun ba membru hortikultura fo konfiansa ba grupu sira atu hala’o sira nia agrikultura hortikultura notativu hodi sai produsaun diak.
Diretora Fundasaun Centru Haburas Feto, Teresa Pereira ba jornalista sira hateten liuhusi formasaun ne’e atu hasae sira nia konesementu ba agrikultura hortikultura kada grupu uda-idak atu hasae sira nia produsaun planementu nune’e bele hetan rendimentu hodi suporta nesesidade ba sira nia familia.
“Iha ne mos ami apoiu fasilidade material agrikultura hortikultura ba sira durante ne’e husu hanesan adubu ,fini,alfase tomate,modo repolho,senhora no sasan seluk tan atu utiliza ba sira grupu hodi haburas sira nia rendimentu uma laran”.Dehan Diretora FCHD Teresa.
Entretantu Administradr postu Venilale, Jose Freitas Boavida hateten formasaun nebe fahe husi FCHD ba membru hortikultura sira husi suku rua Uatu-Haco no Fatulia atu bele promove Konesementu mo morbemija sistema hortikultura nebe hetan tarjetu husi FCHD,tanba durante iha suku rua produz agrikultura nebe espesialmente tau prioridade ba modo lis senhora no seluk tan iha Venilale.
“Merkadu ita garante tanba ne sirkulasaun ekonomia merkadu durante loron hitu hahu husi Segunda feira to’o Domingo ,tanba ne’e horitkultura sira nafatin iha vontade produz maske iha difikuldades barak no apoiu fasilidade sira atu fasilita tanba sistema nebe sira uza ne’e sistema manual nune husi ida ne’e ajuda no melhora sira nia servisu diak liu iha futuru mai”.Dehan APA Venilale Jose Freitas.
Aliende ne’e Xefe Suku Fatulia, Angelino Pereira nudar autoridade hare ba programa CFHD nia implementasaun iha faze dahuluk fahe formasaun ba membru sira oinsa atu eleva grupu sira atu bele hasae konesementu iha parte hortikultura nian apoiu material husi CFHD ba grupu rua no ne’e importante tebes ,tanba hakarak hasa’e rendimentu kualidade produsaun atu hasae tan rendimentu iha terenu
Kordenador Halibur malu buka moris rasik suku Uatu-Haco Jorge Alcino Guterres hateten sente orgullho tanba bele ona fahe formasaun hortikultura nian nomos fssilita material agrikultura ba ami grupu rua hodi fasilita ba ami nia produsaun sira.Ba grupu rua husi Suku Fatulia no Uatu-Haco iha grupu ida ema hamutuk nain 10. (*)
