Reportajen : Celcia Magno
VENILALE (Lifaupress) : Governu Liuhusi Sentru Linguistiku Nasional iha posibildade distrubui fos MCAE hamutuk 1,100 ho kilograma 25, fa’an ba komunodade kbiit laek ho folin baratu ho osan dolar amerikanu $12,25 kada saka.
HOLA FOS : Komunidade sira antuziazmu hola los baraturas husi CLN. Foto LP/Celcia Magno
Iha tuku 7:00 dader OTL ,Segunda Feira iha postu Administrativu Venilale Baucau, Sentru Linguistiku Nasional ho transporte fuzu ho Truek nakonu ho fos rai, produsaun rai laran.
Prezensa fos husi CLN nuudar intervensaun merkadu. Tanba durante ne’e, fos iha Merkadu fa’an entre dolar amerikanu $15,00 to’o to’o $20,00 kada saka fos kilograma 25.
Administrador postu Venilale, Jose Freitas Boavida iha intrevista hateten ,Fos husi Centru Linguistiku Nasional hamutuk 1.100 nebe distribui ba postu Venilale kada suku 8 prioridade atu hetan fos ida ne ho folin nebe baratu $12,50 Centavus lahanesan ho fos nebe fa’an iha merkadoria tanba ho folin nebe as tebes nune’e komunidade sira antusiazmu hodi hola fos.
“Tanba durante ne’e, enfrenta hela problema iha produsaun tanba ,ita hasoru dezafiu ba natar boot rua iha postu venilale nune la produs hare iha tinan kotuk,iha natar balun hanesan Maubu’uno Nau-Eli nebe iha hela konstrusaun nia laran precisa iha intervensaun fos ba komunidade sira” APA Venilale, Jose Freitas Boavida dehan.
Entretantu Antoninho Soares, fasilitador Centru Linguistiku Nasional hateten agora dadauk halao hela intervensaun merkadu ho fos hamutuk 1. 100 nebe tula husi Kapital Dili ho folin nebe baratu hodi ajuda komunidade sira nebe kbiit la iha atu hola fos.
Candida Belo ,hanesan komunidade sente orgullo no agradess tebes ba parte governu distribui fos intervensaun merkadu tanba agora dadauk fos iha merkadoria ho folin nebe baratu $12,50 ho kilograma25.
Aliende ne’e komunidade husu ba governu atu kontinua kontribui fos ba komunidade sira nebe kbiit la iha atu hola fos iha merkadoria nune’e sira labele halerik bebeik hahan tanba iha tinan ida ne’e bailoron naruk nebe fo impaktu ba komunidade sira. (*)
