Reportagen : Florentina Bianco da Cruz
DILI— (Lifaupress ), Estudante Universidade Timor Lorosa’e (UNTL) husu Estadu liuhusi orgaum kompetente autoriza Safi’I, sidadaun Indonesia mai fala Timor-leste, hodi hamutuk nia familia.
PORTA-VOZ, Natalizio Nunes Martins hato’o ida-ne’e ba jornalista www.lifaupress.com loron hirakliu ba Iha Campus Sentrál UNTL, Kaikoli, Dili, hafoin konferensia imprensa kona-ba kazu Governu la fo lisensa ba Syafi’I atu tama fali mai Timor-leste.
“ Estadu tenki hatudu razaun legal kona – ba la simu Safi’i atu tama fali mai Timor-leste. Pelu menus se estadu ho provisaun nia tenke fundamenta katak, Safi ke manán no komopremetu ba lei ne’ebé vigora ou nia la kompri lei saida. Servisu emigrasaun nia hatete, orden ne’e husi leten, imigrasaun so halo tuir de’it. Ita atu halo tuir regra ka halo tuir individu ka pesoal ida nia interese? ” Porta Voz ne’e husu.
Iha demokrasia, tur Natalizio Nunes Martins, ema hotu livre movimentu, nakloke halo kritika, ko’alia hasoru líder polítiku sira, bainhira komete iregularidade ka la prova povu -nia interese iha espiritu demokratizasaun.
“ Karik prezensia Safi iha Timor-Leste fó ameasa ba líder polítiku sira, ne’ebe halo polítika ba sira nia interese, ne’e mak lider sira foti desizaun atu bandu Syafi’i fila mai Timor-Leste,” nia dehan tan.
” Syafi’i nuudar ativista internasionál ida, nia mós kontribui ona ba luta libertasaun pátria no povu Timor ne’e. Hahú kedas iha tempu okupasaun Indonézia, nia dedika aan tomak atu Timor-Leste hetan direitu ba auto determinsaun ka independensia. Nune’e, ohin – loron estadu Timor-Leste presiza konsidera no valoriza. Ami husu Estadu konsidera no valoriza, autoriza nia bele fila mai Timor hodi hamutuk nia familia ne’ebe atuamente nia kaben no oan sira hela iha Timor-leste, ” nia hateten.
Syafii Kemamang, nu’udar ativista ka sujeitu prinsipal ida husi nasaun vizina Indonesia, kontribui maka’as ba luta libertasaun patria no povu Timor – leste iha tempu okupasaun Indonesia ka regime Soeharto.
Dedikasaun ne’ebe nia halo, kontribui ba Independensia Timor-leste, liuhusi envolvimentu sira iha organizasaun Partai Rakyat Demokrat (PRD), Solidaritas Mahasiswa Indonesia untuk Demokrasi (SMID), Solidaritas Perjuangan Rakyat Indonesia Untuk Maubere (SPRIM).
Organizasaun hirak ne’ebé nia envolve iha altura ne’eba, iha kolaborasaun diak ka servisu hamutuk ho Timoroan lubuk ne’ebé hamahan-an iha organizasaun sira hanesan Organizasaun Joventude Komunista Timor-Leste (OJEKTIL) Transforma ba Asosiasaun Sosialista Timor (AST), ne’ebé ikus-mai hamosu BRIGADA NEGRA no hari’i RENETIL iha tinan-1989. (*)
