Reportajen:Televiana Lopes/Angelina de Jesus
DILI (lifaupress) : Institute of Bussines (IOB), ofisialmente halo abertura ba atividade estajiu professional tinan Akademiku 2025 ba estudante 522.
Abertura alokasaun estudante ba programa estajiu profisional tinan Akademiku 2025 ne’e, realiza iha Kampus IOB Dili, Domingo (18/01/2025).
Durasaun Estájiu profisional ne’e entre fulan 3 to’o 6., partisipa husi estudante Fakuldade Ekonomia no Negósiu na’in 202, Fakuldade Teknolojia Informasaun no Komunikasaun (ICT) na’in 268 no Fakuldade Ospitalidade no Turizmu hamutuk estudante na’in 53.
Objetivu husi estajiu profisional ba empreza industria no organizasaun sira, atu hetan esperiénsia profisionál, hasa’e estudante sira – nia abilidade, aprende no forma sira – nia kareira profisional iha futuru.
” Institute Of Business (IOB) ho orgullu teb-tebes hodi lansa Serimónia Abertura ba Estájiu Profisionál Estudante nian ba Tinan Akadémiku 2025,ho Nia signifikakativu husi Eventu ida-ne’e maka inísiu ba viajen estudante na’in 522 sei hahú estájiu iha indústria oioin, ” Retor IOB, Pedro Ximenes hateten.
Retor mos husu ba estudante estajiadu sira atu kumpre regras sira durante estajiu. “ Labele ba tarde no hatais tuir uniforma, ativu halo komonikasaun nebe di’ak no efetivu no hatudu atetude di’ak,” nia dehan tan. (*)
