DILI – Kuaze fulan neen tiha ona, foin-sa’e sira ho talentu kanta, luta maka’as atu sai manan na’in ba kompetisaun kanta MEHI, ne’ebe organiza husi famila boot Dom Bosco, Timor-leste. No, fulan Outubru ne’e, kompetisaun iha ona dalan ba kompetisaun Final.
FINALISTA : Finalista sira ba Kompetisaun kanta MEHI hasai foto hamutuk. Foto LP/dok MEHI
Foin-sa’e na’in lima, mesak feto de’it mak manan tiha tikete tam aba final, hafoin lithia faze semifinal, Domingu semana kotuk. Luta atu to’o etape ‘bergengsi’ la’os fasil. Tanba la’os de’it tenki hatudu performa di’ak iha palku, maibe persiza mos performa seluk ne’ebe kontestante sira tenki prienxe, bazeia ba padraun ne’ebe hatur husi ekipa juri ka avaliador sira.
Cidalia de Araujo, finalista ida ho naran favorita Cici, ne’ebe iha esperiensia barak husi palku ba palku no husi kompetisaun ba kompetisaun ho jenre muzika oioin, mos senti duni prosesu tomak duranae kompetisaun kanta MEHI, nuudar fatin maravillozu atu deskobre nia aan loloos.
“ Ha’u senti prosesu tomak, iha Kompetisaun ida – ne’e different tebes ho kompetisuan sira seluk. Ami aprende buat barak. Maibe, ba ha’u — buat importante ne’ebe ha’u nunka hetan iha kompetisaun sira seluk mak pontualidade, dixiplina no kualidade pesoal,” Cici esplika ida ne’e, hatan pergunta husi jornalista Ajensia Notisioza TATOLI, durante entrevista espesial iha estudiu Mini Dom Bosco, Comoro, Dili, semana ne’e.
Cici, artista ne’ebe gosta jenere Dangdut, tama ba final Kompetisaun MEHI, hamutuk ho Orlanda, Clarisia no finalista rua seluk. “ Ha’u mai partispa kompetisuan kanta MEHI, tanba akompanhia anunsiu husi Facebook. Ida ne’e, hau hakarak loos atu partisipa. Nune’e, hau rejista no partisipa husi prosesu inisiu to’o agora,” artista ne’ebe hili Lesti, artista feto Dangdut husi Indonesia, nuudar nia favorita, nia deklara.
Karik aban bainrua hakarak atu eleva tan kunhesimemtu mundu muzika no artista, liuhusi eskola muzika ? “ Ha’u fiar katak, iha tempu ruma ha’u sei tama ba eskola artista,” eis jornalista no Host programa artista iha Televizaun Timor Post (TPTv) live streaming hateten.
Artista senior Bepi mos rekunhese Aileu-anan, ne’e Cici nia jenre Dangdut. “ Kona-ba Cici, durante kompetisaun, atu jenre saida de’it nia sempre sikat jenre dangdut iha laran. Nia iha talentu kanta di’ak, hanesan mos sira na’in haat seluk,” Bepi, ne’ebe mos sai treinador/mentor ba kontestante sira durante kompetisaun hateten. (*)
