Reportajen: Selestinho Mani Falo
DILI (Lifaupress) Ministeriu Transporte Komunikasaun (MTK) Sabadu, (22/06/2024), halo serimoñia asinatura plaka iha Portu Dili ba dedikasaun naran heroi repitidores kabu tasi okos fibra ótika.
ASINA PLAKA –– Primeiru Ministru RDTL, Kayrala Xanana Gusmão asina Plaka naran Heroi sira ba Kabo Sub Marinho iha Portu Dili, Sabadu (22/6/2024). Foto Dok/Selestinho
Naran heroi sira na’in 8 ho númeru mak hanesan, repetidor No, R4101, saudosa Maria Udu Bele “Maria Tapo”, no, R4102, Rosa Bonaparte Soares ” Muki”, no, R4103, Dulce Maria Da Cruz ” We-We”, no, R4104, saudoso Fernando de Araújo “La Sama”, no R4301, José da Silva, no, R4302 Venãcio Ramos Amaral Ferraz, no, R4303, Dinis Carvalho da Silva “Nelo Kadomi Timor” no Branch unit, saudoso Agustino do Espírito Santo.
“Heroi sira ne’e mate tanba luta ba dezenvolvimentu nasaun Timor-leste só La Sama mak mate iha tempu ukun-an”, Primeiru Ministru Kayrala Xanana Gosmão, dehan ba depois um minutu silensiu.
Enkuantu Ministru (MTK) Miguel Marques Gonçalves Manetelu hatete, serimonia ne’e atu asina plaka husi Primeiru Ministru Xanana Gosmão didikasaun naran heroi sira ba repetidores ne’ebe mak koloka iha tasi okos, Ministru MTK Minguel Marques hateten, ba jornalista sira iha Portu Dili.
“Ha’u ohin halo apresentasaun ba prosesu konstrusaun atividade da-ikus atu fó naran heroi repetida ida sei monu iha loron 05/07/2024 iha bebonuk atu halo koneksaun Kebilenditasaun ba Ró ASN nia laran atu Ró halo instalasaun Kabu bokus besik ba Derwin”, nia dehan.
Nia haktuir, tuir planu konekta kabu vokus ba tasi fulan 2 tanba loron primeru fulan Agustu foin koko prensium vokus nian.
“Hau sempre koalia bebeik katak antes tinan nee ita nia internet preparadu tia ona tanba ita presiza ba misa sua santudade Amu Papa iha Tasi Tolu sira tenke assesu internet ho direita no lao di’ak”.
Alende ne’e, ASN entrega ba Primeiru Ministru, fiu ne’ebe mak uza iha tasi atu halo instalasaun kabu vokus dada internet nian besik Darwin, nuudar lembrasa ida.
Tuir observasaun jornalista www.lifaupress.com serimoñia assinatura plaka tasi okos ne’e mós aumesmu tempu primeiru ministru Kayrala Xanana Gosmão hamutuk ho membru nonu governu inklui bainaka husi Australia kari ai-funan ba tasi ba heroi martires sira hotu neebe mak luta ba dezenvolvimentu nasaun Timor-leste. (*)
