Reportagen: Osterlia Muni
DILI – (Lifaupress) : Xefe Seksaun Autoridade Protesaun Sivil (APC) Timor-leste, Nelson Nunes Orleans informa, durante semana ida (7 – 13 Abril 2025), Autoridade Protesaun Sivil rejistua ema ida mate no akontese dezastre iha teritoriu Timor – Leste.
” Durante semana ida, APC rejista dezastre afetadu ba komunidade nia uma hamutuk 5 no ema ida lakon nia vida, “ Nelson Nunes Orleans inform aida-ne’e ba jornalista sira durante konferensia imprensa seminal iha edifisiu APC Caicoli, Dili, Segunda – feira (14/04/2025).
Nia esplika, dezastre ne’ebe akontese ho tipu Rai halai estraga komunidade nia uma 2, ahi sunu komunidade nia uma 1 no anin sobu komunidade nia uma.
Atu hakman vitima sira-nia susar, APC fo na apoiu emerjensia ba komunidade afetadu 26. APC evakua ema na’in 16 iha munisipiu 6. No iha munisípiu Covalima, rai halai estraga uma 2. Iha Munisípiu Lautém ahi sunu komunidade nia uma 1, iha municipiu Liquica anin sobu uma 1, iha Rejiaun Administrativa Espesial Oe-Cussi Ambeno (RAEOAl ahi sunu komunidade nia uma ida no ema ida lakon vida iha Aldeia Coanobe, Suku Banafi, Postu Administrativu Nitibe no iha munisipia Viqueque anin sobu komunidade nia uma 1.
Kona-ba asstensia ba familia vitima sira, nia dehan, koopera parseirus relevante sira, fornese asistensia emerjensia Ai-han no laos Ai-han (food item & Non-food Item).
Alemde ne’e, komunidade nia sasan ne’ebe natureza estragu no balun lakon, Komando Operasional Autoridade Protesaun Sivil munisipiu sira sei kontinua halo hela levantamentu.
Atu prevene aan husi risku dexazstre, Xefe seksaun Autoridade Protesaun Sivil (APC), Nelson Nunes Orleans husu ba komunidade hotu, karik akontese udan boot no anin boot, husu atu hases an husi fatin rizku sira, hanesan mota ninin, foho lolon, ai-hun bo’ot, liña eletrisidade no raí dokumentu sira importante iha fatin seguru.
Bainhira mos kazu emergensia ruma, Nelson Nunes Orleans, halo tuir orientasaun Autaoridade lokal ka Autoridade Protesaun Sivil ne’ebe besik, karik presiza halo evakuasaun, mantein kalma, no evita paniku.
Nia mos informa, iha munispiu balun sei infrenta limitasaun ba transporte, nune’e difikulta mobilizasaun ekipa konjunta hodi halo levantamente dadus no tula sasan ka material ba familia afetadus sira iha suku no aldeia. (*)
