Reportazen: Jerino Fernandes Barreto Pereira Bere.
Oé-Cusse, (LifauPress)Regiu Da Cruz Salu Hanesan Presidente Autoridade Região Administrativa Especial Oé-Cusse Ambeno (RAEOA), Regio Da Cruz Salu la konkorda ho harii hotel besik Monumentu Lifau no Aeroportu Rota do Sândalo, Palabam, Oecusse, tanba fatin ne’ebé konsidera sagrado iha Lifau.
Deklara nee hato’o liu husi konferénsia imprensa iha Oebau, ohin Segunda feira, semana sira liuba. Harii Otel besik fatin istoriku Lifau, Presidente Autoridade RAEOA Espresá katak hotel ne’e bele fo impaktu ba respeitu povu nian kona ba monumentu Lifau, ne’ebé hanesan “odamatan boot” ba Timor-Leste, rai civilizasaun Timor oan sira nian.
“Hau deklara katak hotel nee fizikamente tenke muda, labele hela iha fatin sagrado ne’e. Ita kompriende, dezemvolvimentu importante, maibé tenke halo ho respeitu ba ezijénsia moral, ezijénsia igreja, no povu Oé-Cusse rasik,” nia hateten.
Nia konta tan katak monumentu Lifau “Eno Naek, Neso Naek” hanesan símbolu nian ba identidade nasional, nudar odamatan boot ba Timor-Leste, no ita hotu-hotu tenke simu malu ho respeitu.
Presidente Autoridade espresá tan katak dezemvolvimentu adisional integradu iha área aeroportu sei kontinua, maibé hotel ne’e labele koloka iha fatin sagrado. Projetu nee sei replana tuir plataforma RAEOA no Zona Espesial Ekonomia Dezemvolvimentu (ZEEDOA) hodi fó prioridade ba dezemvolvimentu ekonomiku integradu iha Oé-Cusse.
“Hotel nee bele muda ba fatin ne’ebé iha potensia dezemvolvimentu turizmu no história, maibé la iha besik aeroportu ka monumentu Lifau. Ita hotu-hotu tenke halo dezemvolvimentu ho respeitu ba povu, rai no istória nian,” nia remata. (*)
