Reportazen: Lúcia Ramos Simões Freitas
DILI (lifaupress.com): Klibur Estudante Kriativu Foin-Sae Timor-Leste (KEK-FTL) husi Institute of Businesss (IOB) Dili, hala’o enkontru hodi deskuti kona – ba preparasaun atu rejistu iha Notariadu no selebrasaun Loron Nasional Juventude 12 Novembru 2024 iha Railaku, munispiu Ermera.
Reprezentante Organizador enkontru, Flavio De Jesus Belo (estudante IOB) ba Jornalista www.lifaupress.comiha Jardim 5 de Maiu Kolmera, Dili, Sabado (26/10/2024) esplika, atividade selebra Loron 12 Novembru 2024, kompostu husi atividade Sosial, sensibilizasaun ba komunidade, reflesaun, aprezenta teatru no poezia.
“ Ne’e inisiativa rasik atu tuir atividade loron 12 Novembru 2024 iha munisipiu Ermera. Tanba organizasaun ne’e ho prinsipiu voluntarizmu no servisu naun-kerativu, singnifika kontribui ka la hetan osan,” Flavio De Jesus Belo dehan tan.
Flavio De Jesus Belo esplika tan, loron 12 Novembru mak nudar odamatan ba Timor-leste hodi restaura indepedensia no sai loron loron istóriku ba povu tomak iha rai doben Timor-leste, tanba iha loron ne’e akontese masakre iha Santa Cruz Dili. (*)
