Reportajen Celcia Magno
VENILALE (lifaupress.com) : Funsionariu sira iha Postu Administrativu Venilale, munisipiu Baucau, sempre hala’o limpeza jeral iha loron Sesta – feira. Atividade ne’e bazeia ba Lei Numeru : 33/2008 kona – ba orden higiene Publiku.
Tuir observasaun jornalista lifaupress.com, Sesta-feira (19/4/2024) semana ne’e, funsiunariu sira hotu hala’o limpeza haleu edifisiu Postu Administrativu Venilale, Suku Uatu Haco, hahu tuku 09.00 dadersan.
Funsiunariu sira ekipamentu manual hanesan Ttudik, gerobak, aisar no seluk tan, hamoos ambiente, haleu edifisiu, hodi hadok husi moras oioin.
Xefe Seksaun Administrasaun Finansas, Maximiliano Da Silva hateten, kada fim De semana sempre halo limpeza iha fatin hotu, atu hadook husi moras oioin, tanba saude iha Ita-nia liman rasik.
Alemde halo limpeza jeral iha area edifisiu, halo mos iha fatin publiku hanesan estrada no merkadu. Atividade ne’e, iha mensajen edukasaun ezemplar ba populasaun sira, tahu hamoos ambniente no soe fo’er iha fatin lixu, ne’ebe Governu prepara ona.
“Husu ba populasaun sira labele soe foer arbiru iha fatin publiku. Nune’e, prezerve ita-nia ambiente moos nafatin no seguru, “nia dehan. (*)
