Reportajen : Celcia Magno
VENILALE(Lifaupress)Estudante Finalista hamutuk 45 ,husi eskola 3°Ciclo Filial Uatu-Misa hamonu matawen bainhira despedida ikus ho professores no inan aman sira ,hafoin kontinua ba sekundaria iha tinan oin mai iha eskola EBF Uatu-Misa segunda Feira (26-11-2024)tuku 10 dader OTL.
Liuhusi despedida ikus nebe simples maibe nakonu ho domin , hanesan hato’o agradesementu ba professores sira durante tinan tolu nia laran hodi hatudu respeitu kaer liman no bensa hamonu matawen ho triste tebes ,nebe eduka hanorin hanesan mos inan aman segundu iha eskola Filial Uatu-Misa.
Agradesementu ne’e ho estudante Finalista nia prinsipiu ho motto katak “mai ho Esperansa sei fila esperensia” ho objetivu katak maske ho idade nebe nebe minoridade bainhira tama ba 3°Ciclo durante tinan tolu mai ho esperansa hodi aprende iha Eskola Uatu-Misa no sei fila ho esperensia katak kontinua nivel estudu ba eskola sekundariu nebe mak estudante sira hakarak atu aprende ba iha tinan akademiku 2025.
Aliende ne’e Kordenador Eskola Filial 1° 2° no 3° Ciclo Abilio Guterres iha nia diskursu hateten ba estudante finalista sira mai ho mamuk sei fila ho bukae uituan ba ciensia sira nebe professores sira hanorin durante tinan tolu nia laran hodi kontinua ba iha nivel sekundariu hodi aumenta tan kapasidade ba materia sira hotu.
“Ba ciencia nebe aprende ona iha 3°Ciclo precisa aumenta tan iha Nivel sekundariu no ensinu siperior tanba materia balun iha kontinuasaun ,labele haluha nafatin aprende estuda ba materia baze sira iha futuru mai,tanba futuru iha imi nia liman rasik precisa “Respeita Pasensia no obrigadu”Hateten Kordenador Eskola Filial Uatu-Misa Abilio Guterres.
Kordenador Abilio sujere nafatin ba inan aman sira atu kontinua eskola iha nivel sekundaria tanba responsabilidade nebe boot ba oan sira ,precisa estuda bo haruka nafatin ba eskola nebe mak sira hakarak.
Entretantu repprezentante Inan Aman Marcal Da Silva ho kodigu Besa-UaiKia hateten Oan Sira kontinua iha hanoin hodi ba eskola no dixiplina ba iha uma laran no ambiente sira seluk ,tanba inan aman nafatin haruka oan sira ba eskola iha nebe deit ,importante fo ulun hodi luta no aprende tanba nasaun precisa oan sira nia matenek iha futuru mai,luta ho lapizeira no kadernu hodi hamate kiak sira iha nasaun ida ne’e nune’e rona no respeitu professorea sira .
Iha parte seluk finalista xefe estudante 3°Ciclo Uatu-Misa Rui Correia agradese barak ba professores sira hotu nia eduka no hanorin sira durante tinan tolu nia laran,maske hasoru dezafius oioin maibr luta to’o remata estudu ina nivel 3°Ciclo liuhusi professores sira nia hanorin eduka nomos ba inan aman sira nebe suporta ami oan sira to’o ohin loron ,maske la iha buat ida atu selu favor maibe ho liafuan hato’o obrigadu ba manorin no inan aman sira hotu.
Ba despedida husi finalista estudante sira ne’e partisipa husi konsellu suku Uai-Oli ,Veteranus , Professores inan aman ,no estudante sira hotu.
Ba 3°Ciclo ho Nivel Sekundariu 3°ano sei rona rezultadu final iha loron 13 fulan Dezembru tinan 2024.(*)
