Reportajen : Celcia Magno
OEKUSSE (Lifaupress): Hakarak rekonsiliasaun buka meius oinsa liuhusi modelu tradisaun kultura , precisa iha akordusaun ba dialogu entre Timor-Leste ho Indonesia, atu ba futuru iha paz no unidade.
Xefe Delegasaun Indonesia ba Dialogu Rekonsiliasaun, Felisberto Amaral informa ida ne’e ba Jornalista online www.lifaupress.com hafoin asina akordu entre TL ho NTT ba Festival Fronteira 2024 iha Ou-UPu Cinco Estrelas Oekusse Sexta Feira (18-10-2024) tuku 4 loraik OTL.
“Ha’u mai lori materia Planu rekonsiliasaun ba iha Dialogu Festival Fronteira 2024. Iha akordu entre Timor ho Indonesia, presiza iha modelu oinsa ba futuru kaer liman hamutuk iha unidade, paz no Dame,” Felisberto dehan.
Felisberto informa, Lider Forum Komunikasi Pejuan Timor Timur (FKPTT), Eurico Guterres iha ona akordu ho Prezidenti Republika RDTL, Jose Ramos Horta, atu hahu fali rekonsiliasaun ne’ebe para kleur tiha ona no la iha linha kordensaun. Nune’e, Indonesia hahu halo enkontru ho Governu Timor-Leste, atu kontinua ba rekonsiliasaun.
ASINA REKOMENDASAUN : Iha Dialogu Rekonsiliasaun, partisipa sira asina akordu rekomendasaun sira ba Governu Timor-Leste no Indonesia, atu diskutb, tetu no implementa iha futuru. Foto LP/Celcia Magno
Dialogu Rekonsiliasaun iha Oe-cusse importante tebes, tanba marka mos prezentante juventude sira husi Timor-leste no Timor Osidental. Iha Dialogu rekonsiliasaun ne’e, partisipante sira rezulta rekomendasaun importante balun, asinadu. Tuir mai, iha serimonia enseramentu, entrega direta Rekomandaun Dialogu Rekonsiliasaun ne’e, ba Vise Ministru Asuntu Parlamentar, Aderito Hugo da Costa, atu lori ba nivel Governasaun hodi diskutí no implementa.
Tinan 2023, bainhira Festival Fronteira iha maliana konsentra ba Memoria Koletivu no Timor – nia pasagem. Tinan 2024, durante loron 4 iha Oe-Cusse konsentra ba dialogu atu hametin rekonsiliasaun.
(*)
