Reportajen Celcia Magno
VENILALE(Lifaupress)Familia barak kuaze atus ba atus partisipa kari aifunan iha semiteriu Osogori hafoin remata misa selebra Santu Santu no Matebian sira iha kapela Sai Jose Osogori,Suku Uatu-Haco Postu Venilale Munisipiu Baucau Sexta Feira (01-11-2024)tuku 11 Dader OTL
Tuir Jornalista www.onlinelifaupress hare ,Familia sira husi aldeia osogori no Suku Uai-Oli kada aldeia 4 ne’e ,antes iha Quinta feira husi dader to’o kalan(31-10-2024) hahu prepara an kada familia ba aifunan hamos semiteriu no mos hahan sira atu tau iha meza leten hodi hader aifunan molok dader ba misa no kari aifunan iha semiteriu Osogori no Uai-Oli Uatu-Misa.
Bainhira iha Dader tuku 9 OTL (01-11-2024)familia sira la’o nadodon hakbesik ba kapela maske rai dodok tnba udan loron rua maibe sira nafatin iha vontade hodi lori aifunan sira ba kapela ida-idak atu simu bensaun husi amu selebrante Aquino Mazarella Dias SDB.
Aliende ne’e misa remata familia sira ida-idak lori aifunan hodi la’o ain tuir dalan ba Semiteriu Osogori hodi kari aifunan ba matebian sira hotu,kontenti hasai foto no dadalia komprimenta ba malu tanba husi loron finadu mak familia sira bele hasoru ho diak .
Maske rai manas tebes Familia sira kontinua hamrik no tur hodi kari aifunan ba sira nia familia matebian hafoin ,udah idak fila ba uma hodi han hemu hamutuk ho familia sira hotu.
Entretantu komunidade Nelia Feliciana Ximemes ba Jornalista www.onlinelifaupress hateten ,Kada tinan Timor-Leste selebra loron matebian sira nian iha kada munisipiu ida-idak liuhusi suku no aldeia sira hodi kari aifunan ba matebian sira ,nebe mate husi avo antigu jerasaun ba jerasaun ate agora.
Liuhusi loron umportante ida ne’e familia sira hamutuk hodi bele hatene klean kona ba istoria husi avo antigu sira nebe mate ona no husi jerasaun ba jerasaun nebe mak iha ona mundu seluk.
Iha aldeia Osogori suku Uatu-Haco no Suku Uai-Oli kada tinan selebra loron matebian nian iha ( 01-11-2024). (*)
