Reportajen: Selestinho Mani Falo
OE-CUSSE (Lifaupress): Ema rihun partisipa selebrasaun aniversariu ba dala 49 Proklamasaun Independensia nivel nasional iha Iha Kampu 1 de Maio, Palaban – Pante Makasar – Rejiaun Espesial Administrativa Oecusse Ambeno (RAEOA), Kinta (28/11).
Tuir observasaun jornalista www.lifaupress.com, molok hahu serimonia, populasaun sira maihusi suku 18, organzadu mai sidade Oecusse ho trasporte kareta no tama ba area serimonia tuir fatin ne’ebe Komisaun Organizadora desidi tiha ona.
Autoridade local sira, movimentu ema 100 husi kada suku, partisipa serimonia boot ne’e. Alemde ne’e, partisipa mos husi funsionario, military, polisia no veteran sira.
Povu Atoni Oe-cusse sira forma tuir ida-idak nia fatin ne’ebe mak prepara ona husi komisaun organizador.
Tuku 09.13, membru Forsa Falentil Defesa Timor-Leste (F-FDTL) no Polisia Nasional Timor-Leste (PNTL) mos pronto ona iha fatin formatura.
Nune’e mos Isar Bandeira nasional RDTL prontu ona iha oras 9:45 otl, hodi hala’o serimonia isar bendera ne’ebe prezidi direta husi Prezidenti Republika, Jose Ramos Horta.
Serimonia isar Bandeira Nasional RDTL, akompana ho Hino Nasional “ Patria-patria “ . (*)
