Reportajen : Marçelo Caitano Colo
Likisa (lifaupress) : Tinan 23 Restaurasaun Independensia, Timor-leste sei kontinua hasoru problema. Entre problema sira, mak minimu Biblioteka hahu husi Ensinu Baziku to’o Ensinu Super ior.
Deklarasaun ne’e hato’o husi Victor De Jesus Barros, nudar Senadu Jeral universidade da paz (UNPAZ ), foin dadaun bainhira ko’alia iha seminar ida, organiza hamutuk entrea estudante esjatjiariu UNPAZ ho Autoridade Postu Administrativu Likisa iha Sentru Formasaun Maumeta.
Seminar ne’ebe lori orador na’in tolu ne’e, realiza ba amnbiente selebra aniversariu Restaurasaun Independensia Republika Demokratika Timor-leste ba dala 23, hodi aumenta foin-sa’e sira-nia kunhesimentu hasoru mudansa iha future.
Victor De Jesus Barros, ne’ebe koa’lia kona-ba desenvolvimentu edukasaun iha Timor Leste, hateten, estadu Timor-leste-nia politika dezemvolvimentu edukasaun seiduak suporta ho kondisaun di’ak, hodi forma ema no rezulta kualidade edukasaun di’ak.
“ Estudante barak badinas ba eskola, rona ho seriu materia sira durante proses aprendizajen, maibe realidade seidauk iha mental forte atu ko’alia sai buat ruma.Ne’e problema grave, tanto iha nível akademiku mos .
Alende ne’e, Biblioteka minimu tebes iha eskola sira, hodi tulun estudante sir abele asesu lee materia aprendizajen sira, no seiensia sira ne’ebe presiza atu deskobre.
“ Atu kuihese mundu tenke badinas halo leitura no mundu atu kuinhese ita, tenke hakerek sai ba livru atu mundu bele asesu ba ita-nia obra inteletual,” nia esplika tan.
Entretantu, Rogério dos Santos, nu’udar Administrador Postu Administrativu Likisa hateten, ambiente loron restaurasaun independênsia ba dala 23 signifikante tebes ba sosiedade tomak.
Tanba durante tinan 23, Estadu no Governu hatur ona estratejia sira, atu atinji dezenvolvimentu sustentavel iha setor hotu. Dezenvolvimentu iha Munispiu Likisa, signifika dezenvolvimentu iha teritoriu tomak, kompostu husi dezenvolvimentu iha Postu Administrativu Likisa Vila, Bazartete, Maubara no Postu Administrativu Loes. Distribuisaun teritoiru ne’e, bazeia ba Dekretu Lei Nu. 3/2016 ne’ebe regula mos kona-ba kompotensia Prezidente Atoriadade no servisu munisipal sira.
Dezenvolvimentu iha Postu Administrativu sira, responsabiliza husi Administrador Postu Administrativu, reprezenta Prezidenti Autoridade. “ Administrasaun Postu ne’e estensaun servisu husi Prezidente Autoridade,” nia esplika.
Entretantu, Natalizo Martins Nunes, nudar Senadu Faculdade Diretu Universidade Timor – loro – sa’e (UNTL) koa’lia kona – ba justisa legal formal, justisa sosial no justisa tradisional.
Natalizo Martins Nunes, justisa formal la ses husi justisa sosial nebe mak iha relasaun ba malu. “ Sei ita ko’alia, teke hare ba lei sira no tenke subordena ka hakruk ba lei sira,” nia dehan.
Kona-ba justisa sosial, iha buat tulu importante, mak justisa distributiva, justisa komutativa no justisa jeral.
Tuir observasau jornalista www.lifaupress.com, liuhusi seminariu ne’e, estudante hakbiyt kunhesimentu kona-ba lei, prosesu dezenvolvimentu ba posesu adminitrativu no edukasaun ba justisa hodi hametin páz no estabilidade.
Seminariu ne’e partisipa husi Xefe Suku, juventude, estudante Sekunderiu no estudante Estajiadu Sira. (*)
