Reportajen : Florentina Bianco da Cruz
Ministru Juventude, Desportu, Arte no Kultura (MJDAK), Nélio Isac Samento hatete, , joven sira mós presiza hatene katak bainhira atu sai parseiru ba Governu, presiza alina mós ho orsamentu ne’ebé Governu prepara kada tinan.
Ministru Juventude, Desportu, Arte no Kultura (MJDAK), Nélio Isac Samento hato’o asuntu ne’e ba jornalista sira iha Hotel Timor, Dili, Tersa-feira (01/07/2025) relasiona partisipasaun joven iha programa kapasitasaun juventude iha area oioin.
Nelio Isa Sarmeto dehan, UNICEF ho MJDAC hatene, ema ho idade joven kuaze 70% durante ne’e involve joga MJDAC. Nune’e, UNICEF elabora modulu ida atu sai matéria oportunidade ba joven sira hatene elabora orsamentu jeral Estadu.
Iha preparasaun elaborasaun orsamentu jeral estadu, orsamentu balun iha sensivel ba problema joven. UNICEF mos preapa modulu ida kona-ba oinsá joven sira prepara peskiza ba problema sensivel joven.
“ Joven sira hatene iha sira-nia bairo iha porblema social no ekonomia. Nune’e, bainhira halo programa atu hato’o ba governu, presiza mos hatama dadus kona-ba problema. Nune’e, iha implementasaun programa bele iha nia sustentabilidade,” Nelio Isac dehan tan.
Dalaruma, tuir Nelio, joven sira naran halo proposta ba programa atividade ruma, maibe la alinha ho programa sira ne’ebe sai programa prioridade iha Governu ka parseiru sira.
“ Ikus mai, labele hatene katak programa ne’e iha sustentabilidade ka lae? Nune’e ita halo modul ne’e ba joven sira no sosiedade sivil, atu utiliza materia ne’e wainhira hala’o programa formasaun ba joven sira, ” nia dehan tan.
Entretantu Diretora MSSI, Manuela Oliveira Martins hatutan, implementasun lei Protesaun ba labarik iha Timor-Leste tama em vigor desde 27 Agostu 2023, tutela ba responsabilidade MSSI atu asegura implementasun.
“Ita iha prosesu lubuk ida, hodi hatan ba implementasaun lei Protesaun ba labarik ita hahú ho nia sosilizasaun iha Munisípiu sira hotu, inklui RAEOA. Ita mós iha prosesu establese Stering Comitte ba implementasun lei Protesaun ba labarik joven perigu.
Diretora ne’e mós saletan katak, prosesu ba implementasaun lei ne’e, tekniku sira ba servisu iha jestaun kazu ofisiál jestaun labarik iha papel importante atu asegura implementasaun lei Protesaun ba labarik.
” Iha Munisípiu sira, iha faze ida ne’ebé maka aselera hela nia prosesu implementasaun sira hotu. Ita hein katak ita kompleta tan seramentu legal sira hodi hatan medida sira ne’ebé iha lei Protesaun labarik ne’e rasik ne’e implementasun,” nia reafirma tan. (*)
