VENILALE (Lifaupress): :Administrador postu Venilale Jose Freitas Boavida ,ho Xefe Suku Uai-Oli Doadvend Da Cruz Ximenes lansa programa desportivu jogu futebool Sexta feira (13-12-2024)tuku 2:30 loraik OTL iha Campu futebool Xanagato Uai-Oli postu Venilale munisipiu Baucau ,hodi hametin lasu amijade entre juventude kada bairu iha Suku Uai-Oli no aldeia Osogori
Jogu desportu futebol ne’e,partisipa husi klubu 16 husi kada bairu iha suku Uai-Oli ,inklui aldeia osogori suku Uatu-Haco nebe iha inisitiva rasik hari jogu komunitariu husi klibur estudante Uai-Oli ,konsellu suku nomos juventude aldeia Osogori.
Liuhusi jogu ne’e, kria paz no estabilidade nomos halo selesaun ba jogadores sira nebe mak jogu diak bele ba aprezenta iha postu administrativu Venilale iha jogu munisipal no nasional.
Administrador Postu Venilale Jose Freitas Boavida iha nia diskursu hateten “sente orgullho tanba iha suku Uai-Oli foin dahuluk loke jogu komunitariu ba kada bairu entre suku 7 seluk iha postu Venilale ,atu juventude sira bele kria unidade paz no estabilidade liuhusi jogu refere ,halakon arte marsiais iha jogu ne’e ,ho nune’e bele hatudu ezemplu diak ba suku hitu seluk”.
Iha parte seluk Xefe Suku Uai-Oli ,Doadvend Da Cruz Ximenes husu ba juventude sira precisa kria unidade paz no garantia estabilidade konese ambiente foun no juventude sira hotu,hametin relasaun juventude kada bairu nune ba Futuru oinsa atu mudansa ba sosiedade tomak ho transparansia iha suku Uai-Oli no aldeia osogori.
Xefe Juventude Desportu Postu Venilale ,Jose Magno hateten jogadores sira hare ema nebe joga sai hanesan kolega labele sai Fali inimigu ,tane as espiritu Juventude husi jogu refere nune’e bele halo adeptus husi inan aman,juventude sira bele apresia ba jogu refere.
Entretantu prezidente komisaun organizadora Paulino Ximenes Da Silva hateten husi jogu ne’e iha inisiativu rasik husi klibur estudante Uai-Oli hanesan extra husi konsellu suku Uai-Oli no juventude aldeia osogori hari jogu komunitariu kada bairu hakarak hametin juventude sira nia talentu ,ba futuru bele kompete iha nivel postu ho munisipiu.
Orsamentu nebe aloka husi klibur Estudante Suku Uai-Oli nebe mak kontribui iha Kapital Dili Baucau no Funsionariu Uai-Oli oan sira seidauk hatene klaru maibe ba osan rejistu husi klubu Jogadores Sira kada Klubu hatama $50 dolares.
Iha abertura ba jogu futebool ne’e FC PUBAM.JL hasoru klubu FC Ossogori ho skor 2-2 ,no asiste husi adeptus kuaze atus tolu resin.
Hafoin ba segundu parte,FC Daule Raihun ho FC Jofirma kontinua halao jogu amizade ikus FC Daule Raihun manan ho skor 2-0 ba FC Jofirma. (*)
