Reportagem:Televiana Lopes,Elizaria
DILi (lifaupress): Institute of Bussines (IOB) Dili, hala’o serimonia Graduasaun ba dala Sanulu Resin Hitu ( XVII) ba finalista na’in 361, kompostu husi mane na’in 225 no feto na’in 136, husi Fakuldade Informasaun no Teknolojia Komunikasaun (ICT), Departamento Gestão informatika, Teknik informatica no multimedia.
Serimonia Graduasaun ne’e hala’o iha Sentral Koreiu Dili (CCD), Segunda-feira (16/12/2024), partisipa husi civitas Adakemika IOB, inan-aman, autoridade balun no konvidadus sira.
Iha okaziaun ne’e, Retor IOB, Dr.Pedro Barreto Ximenes Belo fo omenajem ba graduadu sira. ” Imi -nia konkista ida – nee simbolu katak imi – nia domin no imi – nia esforsu forte. Ohin imi hakat ona pasu ida, tama ba iha àrea ne’ebé muda mundu liu husi teknolojia. Graduadu sira ne’ebé ohin loron iha ne’e, labele haluhan ita – boot sira – nia inan aman ne’ebé durante ne’e fo suporta. Tamba liuhusi sira, mak bele muda ita – boot sira to’o ohin loron,” Retor Pedro Ximenes hateten.
Nia reafirma, Teknologia sai hanesan fatuk inan, nuudar aliserne husi ekonomia moderna. Tamba la iha ekonomia ida agora iha mundu, la’o la uza teknolojia. “ Ita sei hanoin, uluk ita uza buku tabungan (livru conta bancaria – Portuges). Agora ita la uza ona no ita komesa uza ATM , ” Retor esplika ba jornalista sira. (*)
