DILI (lifaupress.) : Espande Paz no Interkambiu Kultural Liu husi Aula Lian Korean iha Institutu Edukasaun lima iha Timor-Leste
HWPL hala’o ona aula lian Korean iha fulan Junho no Julho 2025 iha instituisaun edukasaun iha Dili, kapitál Timor-Leste. Inisiativa ida ne’e ho objetivu atu promove komprensaun kultural mutual no espande valór paz, liuhusi edukasaun dalen Korean.
Iha sosiedade sira ne’ebé dalen no kultural barak moris hamutuk, diferensa kultural entre membru sira bele mosu. Edukasaun dalen ne’e hatene ona hanesan ferramente efikás ida, atu aumenta komprensaun mutual no fasilita komunikasaun interkultural.
Ho perspetiva ida – ne’e, HWPL komitadu atu fó respeitu no empatia liuhusi atividade edukativa ne’ebé konsentra ba dalen no kultural. Timor-Leste, nasaun ida ho populasaun joven no dinámiku, marka ho diversidade étnika no kultural.
Promove koexisténsia harmoniozu entre komunidade sira konsidera prioridade nasionál, no esforsu edukativa atu kombate diferensa kultural halo papel importante tebes iha konstrusaun sosiedade paz no sustentável.
Aula dalen Korean ne’e introdus ona konsonante no vogal, no inklui jogu no atividade sira, atu halo prosesu aprendizajem ne’e interessante no divertidu.
Liu-liu tan, programa ida ne’e emfatiza mensajen: “Ami diferente, maibé ami bele la’o hamutuk.”
Iha parte uluk tinan 2025, HWPL oferese ona kursu dalen Korean badak iha instituisaun edukasaun lima iha Dili. Total aula 11 hala’o ona, ho distribuisaun hanesan tuir mai:
– Universidade Dili (UNDIL): aula dala 3
– Instituto Profissional de Canossa (IPDC): aula dala 3
– Instituto Ciências da Saúde (ICS): aula dala 1
– Universidade da Paz (UNPAZ): aula dala 2
– Sentru Korean Timor-Leste: aula dala 2
Inisiativa ida – ne’e la’ós eventu ida de’it, maibé hanesan pontu partensa ba interkambiu kultural no kooperasaun ne’ebé kontinua entre nasaun rua. HWPL planeia reforsa ligasaun ho Timor-Leste liu husi programa kontinua, inklui edukasaun dalen, hanesan parte husi esforsu pratiku atu promove paz.
Edukasaun bazeia ba konstrusaun paz, liu-liu tan, espera atu kontribui signifikativamente ba dezenvolvimentu sustentável. Aula dalen Korean ne’e hatene ona hanesan ezemplu signifikativu atu fó komprensaun mutual no hari fundamentu ba interkambiu interkultural liu husi edukasaun.
HWPL komprometidu nafatin atu avansa paz no reforsa kooperasaun internasionál liuhusi inisiativa kontinua. (*)
