Reportajen: Celcia Magno
VENILALE: Pasiente Anastacia De Almeida, partus tiha ona oan mane ida ho kondisaun normal iha Ospital Regional Eduardo Ximenes Baucau HoReX, loron Kuarta – feira, 27 Marsu 2024. Bebe oan ne’ebe moris ho todan kilogarama 4, oras-ne’e seidauk alt aba uma.
Hanesan publika ona antes, Anastacia De Almeida nuudar pasiente ida ne’ebe tula ho ambulansia husi Postu Saude Kaulita, Suku Uai Oli , Kuarta-feira (27/3), atu lori ba Postu Saude Velilale, Baucau.
Maibe bainhira to’o iha mota Builale, akontese mota boot. Bainhira ambulansia ne’ebe tula pasiente tama mota laran, bee tun maka’as tan to’o atu lori tan Ambulanis ane’e. T
Tanba senti amiasadu, kondutor Joanito Vasco Ximenes, desidi atu uza Telemovel kontatu ba Eskuadra polisia Venilale hodi husu ajuda. Polisia mos halo reasaun lalais, servisu hamutuk ho komunidade sira, uza tali dada sai Ambulancia husi mota laran. Graca Maromak nian, konsege Salva pasiente no pasajeiru seluk.
Maske dada sai tia ona, kareta Ambulancia labele kontinua halo movimentu ,tanba ho kondisaun ladun diak. Nune’e, desidi husu ajuda kareta privadu ida, no konsege tula pasiente isin rua ne’e ba Postu Saude Venilale Vila hodi halo Tratamentu.
Anastacia ho nia la’en Jerico da Silva Borjes, kontenti simu kosok oan mane iha Ospital Regional Baucau, Karta (27/3/2024). Foto familia
Jerico da Silva Borjes, laen husi pasiente ne’e ba Jornalista lifaupress.com , Sabadu (30/3/2024) liuhusi telemovel esplika, “Ami to’o iha Postu Saude Venilale, la konsege partus tanba ha’u-nia fen forsa la to’o. Nune’e, parteira halo karta transferensia mai ospital Boot Baukau tuku 08 .00 kalan, to’o tuku 11.0 kalan mak susesu partus normal. “
Jerico ho nia familia agradese ba doutor sira ne’ebe ajuda ona Anstacia partus normal. “Ha’u Sente kontente tebes. No Agrdese dahuluk ba Maromak. Agradese mos ho komunidade no Polisia sira, tanba salva ona ami hotu nia vid no konsege ha’u – nia Fen partus normal”, nia dehan.
Jerico da Silva Borjes no Anastacia De Almeida, desidi ona tau sira-nia oan dahuluk ne’e ho naran Joao Baptista Lemos De Almeida Borjes.
Anastacia De Almeida, husi Aldeia Uatu-Misa, suku Uai- Oli , Postu Administrativu Venilale,munisipiu Baucau,moris iha Loron 30 Maiu 2003, oan ba dahat husi maun alin na’in 9 (,Feto lima no Mane 4), husi aman Adriano Guterres no inan Filomena de Almeida. husi Atualmente, hela iha Bairo Wailate, Suku Uai oli no hala’o estudu iha Universidade Nasional Timor Lorosa’e (UNTL) .
