Reportajen: Joanina martins Beno/ Faviana Bubun
TAIBOKO: Maske orsamentu ba selebrasaun Aniversariu Loron Proklamasaun Independensia ba 50 la sufisiente, Autoridade Suku Taiboko, Sub Rejiaun Pante Makasar, RAEOA, kontinua halo prepara ho dignu selebrasaun loron istoriku ne’e.
Xefe Suku Taiboko, Matias Naz ba jornalista www.lifaupress.com esplika, autoridade suku ho apoiu husi EBF ho EBC iha rai ne’ebe prepaa programa ba selebrasaun ne’e. “ Preparasaun ne’e la’os Xefe suku ho apoiu suku de’it, maibé prepara hamutuk koordenador sira husi EBF ho EBC ,” nia dehan tan.
Prposta atividade no fundus hatama ba Komisaun Organizadora. No atividade sira ne’ebe komisaun organizadora sira temi mak dada tali, halai karon, tata berlindus/tata kanuru. No desportu mak Futebol no volley Ball.
Ho osan USD $ 850.00, la to’o ba suporta atividad esira. Tanba suku Taiboko ho aldeia 4 ho dook nee suku boot. “Orsamentu suku ida hetan nee ami fahe ba aktividade saida mak ami prepara iha suku nee.Husi Aldeia Makelab, Ulas, Hauboni mai fatin isar bandeira iha EBF Oel Caem, presiza transporte. Ha’u la’os la konkorda maibá konsidera atendimentu ba povu ladún di’ak,” nia esplika.
Xefe suku mos hakarak atu serimonia isar bandeira 28 Novembro 2025 la’o diak, atu povu senti netik loron proklamasaun Independensia. Nune’e ba futuru Governu presiza tau-matan tuir kondisaun no realidade iha kada suku.
Suku Taiboko iha aldeia 4, kompostu husi aldeia Ulas, Makelab, Hauboni noaldeia Nemon. Suku ne’e iha populasaun 7,040 husi uma kain 1.936. Total eskola 6 mak EBC Oelcaem, EBF Oelcaem, EBF Ulas, EBF Bi manu, EBF Hauboni no EBF Makelab. Entretantu Klinika Saude 2 iha Oelcaem no Makelab no Postu Saude mos 2 lokaliza iha Oelcaem no Makelab.(*)
