Reportazen: Joanina M Beno/Angelina De Fatima Cau.
OE-CUSSE (lifaupress) : Klubu Futebola Suku Bene-ufe, liuhusi luta maka’as iha jogu Xanana Cup,Kuarta-feira (19/11/2025) iha kampu Oe-bau, suku Costa, Pante Makasar, ikus mai manan Klubu Futebola Suku Lele-ufe ho skors 4 : 2 liuhusi suta penalti.
Jogu ne’ebe hahu iha tuku 15.23 oras Timor-leste ne’e, hahu kedas ho atake maka’as entre clubu rua ne’e. Hafoin arbitu huu apitu iha minute primeiru, jogador sira hatudu kedas espiritu hakarak manan jogu, liuhsi atake no kontra atake,
Tuir observasaun jornalista oinline www.lifaupress.com, maske kompozisaun jogador husi suku rua ne’e mesak ema foin – sa;e ho minimu esperiensia jogu, konsege atria atensaun husi adeptu sira, ne’ebe asisti jogu ne’e husi tribun loron monu no mos hamrik iha area loron sa’e no norte husi kampu ne’e.
Hafoin luta maka’as durante hahu jogu primeiru parte ne’e, ikus mai jogador Luzinho Sila ho numeru kamizola 11 husi Suku Lele-ufe, konsege hatama golu primeiru ba rede Suku Bene-ufe iha tuku 15.27.
Golu primeiru ne’e, halo jogador sira husi Lele-ufe esforsu liutan atu hatama segundu golu. Maibe, jogador sira husi Suku Bene-ufe la kohi lakon. Koko hapara atake husi Lele-ufe no halo kedas kontra atake. No to’o minute tuku 15:47 PM , jogador bene-ufe, Tarsizio Sico numeru kamizola 7 hatama tia golu idai ba rede Lela – ufe. No minutu hirak deit tuir main, serka tuku 15:55, jogador Tarsizio Sico hatama tan golu ida. Nune’e, kondisaun golu 2 : 1, lidera husi Bene-ufe.
Simu tiha golu 2, jogador sira husi suku Lela-ufe, la senti prekupapadu. Fiar aan no hametin linha atake hodi aumenta tan golu. No hafoin liuhusi tatika jogu bonito no espiritu atu hatama tan golu, ikus mai iha tuku 16:07 pm, jogador Luzinho Sila hatama tan golu ida. Nune’e skors golu empata 2 : 2 to’o arbitu hu apitu, fo sinal jogu primeiru parte remata iha tuku 16:14pm .
Hafoin deskansa kuaze minute 10, kontinua ba jogu segundu parte. Jogador sira tenki uza menutu sira iha jogu segundu parte, hodi aumenta tan jogu. Nune’e, jogu foin mak dura minute 4 de’it, jogador Lela-ufe, Oscar Marques ho numeru kamizola 7 hatama tan golu ida. Nune’e pozisaun golu 3 : 2.
Dala-ida tan, jogador sira husi Lela-ufe tenki luta maka’as hodi hatama fali golu, atu atinji empate. Kontra atake namanas loos. No Bene-ufe konsege hatama tan golu ida, nune’e golu empata 3 : 3, maske jogador Lela-ufe, Tarcisio Sico, numeru kamizola 7 tenki hetan kartaun kinur husi arbitu,16.47 tanba kontra regra jogu. No iha tuku 17:23pm arbitu huu apitu naruk, sinal jogu remata ho kondisaun golu empata 3: 3.
Kondisaun empata ne’e, obrigadu klubu rua ne’e tenki avansa ba jogu tiru penalti. Ikusliu, jogador Lela-ufe tenki rekunhese forsa jogu husi klubu suku Bene-ufe. Iha jogu tiru penalty ne’e, klubu suku Bene-ufe hatama golu 4, entertantu Klube suku Lela-ufe hatama de’it golu 2. Nune’e, Klubu Suku Bene-ufe sai manan na’in iha jogu ida ne’e. (*)
