Reportajen : Celcia Magno
VENILALE:(Lifaupress)FC Hazon mak Sai Kampiaun ba jogu Desportu Komunitariu postu Administrativu Venilale tinan akademiku 2024 ho skor 2-1 kontra FC Loro-Matan iha kampu Futeboll postu Venilale Baucau Domingu(24-11-2024)tuku 3 loraik OTL.
FC Hazon sai kampiaun ba jogu refere bainhira kontra FC Loro-Matan ho skor 2-1maske udan maibe ho esforsu husi jogadores Sira konsege sai manan na’in iha jogu kominatariu 2024 no hetan taxa no premiu ba manan na’in sira husi Postu Venilale.
Reprezentante autoridade munisipiu Baucau Juvinal Daniel Filipe Belo iha nia diskursu hato’o parabens ba ekipa sira hotu ba suku 8 tomak nebe
Prezidente komisaun organizadora Jose bele halibur komunidade sira liuhusi desportu komunitariu ho objetivu la buka manan no lakon maibe hatudu amizade ba malu iha futuru mai.
Aliende ne’e Desportu komunitariu,ida ne’e liuhusi governu kontratu administrativu interministerial katak enjeral ho sekretariu estadu juventude no desportu ho munisipiu hodi hamosu desportu refere ,maibe kontratu remata ona iha tinan kotuk ,maibe kada tinan sei kontinu nafatin ba jogu desportu hodi hili juventude sira nebe joga ho diak ba iha munisipal no Nasional.
Entretantu Prezidente komisaun Organizadora Freitas Boavida hanesan Administrador postu Venilale hateten previleziu boot tebes hodi anima juventude sira iha Venilale liuhusi modalidade footbal liuhusi jogu komunitariu ne’e nebe husi inisiu to’o final durante fulan neen nia laran buat hotu la’o ho diak ikus FC Hazon mak sai kampiaun.
Durante iha difikuldades barak nebe mak hasoru no dezafius sira hotu iha jogu nia laran ,ba futuru precisa atu hadia iha jogu komunitaria nivel ba jogu amizade liuhusi fahe formasaun no hasae konesementu ba treinador ho jogador sira nune bele simu desizaun husi arbitu ,tanba durante hasoru ba jogu ne mak desizaun arbitu .
Nia sublinha hanesan Autoridade planu ba futuru sei kontinua la’o ba jogu komunitariu hodi anima juventude sira laos deit iha futebool maibe modalidade hotu nune bele konese klean kona ba jogu sira.
Mediu Kapten ba Ekipa Hazon Francisco de Souja sente orgullho tebes ba jogu refere hodi sai kampiaun ba taxa desportu kominitariu iha tinan 2024,no husu ba autoridade no munisipal nafatin loke jogu komunitariu iha futuru mai hodi bele hili jogador sira nebe joga diak ba iha munisipal no nasional.
Ba jogu refere primeiru lugar monu ba FC Hazon,2°lugar ba FC Loro-Matan ,3°Lugar ba FC Leao no 4°Lugar ba FC Waikele sei hetan orsamentu uituan husi jogu , komitariu ne’e rasik no taxa permanente hanesan rekordasaun ho rotativa no prezente hanesan farda no bola mos ba jogadores sira
Orsamentu ba jogu refere hamutuk 6.700 dolares amerikanu husi klubu no ekipa sira nomos husi MAE fahe ba parte tolu hanesan jogu tradisional ,futeboll no Voleibol.
Ba kampiaun FC Hazon sei hetan orsamentu $800 dolares ho taxa ,2°lugar FC Loro-matan ho orsamentu $600 dolares ho taxa ,3°lugar FC Leao ho orsamentu $ 400 dolares taxa no 4°lugar FC Waikele sei simu preimiu
Ba premiu sira sei distribui iha loron proklamasaun independensia kuarta feira 28-11-2024 iha kampu infantil Venilale. (*)
