Reportajen : Celcia Magno
VENILALE (Lifaupress) : Estudante hamutuk 274 iha Einsino Baziku Filial Uatu-Misa, Venilale, Baucau, hahu Segunda -feira (1/4/2024) partisipa ezame primeiru peridu, haktuir kalendariu ne’ebe Ministeriu Edukasaun aprova ona ba Estudante iha teritoriu tomak. Ezame ne’e sei remata iha loron Sabadu (6/04/2024).
Husi nuneru estudante ne’e, ba estudante Primeiru Ciklu hamutuk 153, kompostu huisi mane ns’in 86, Feto 67,no 3° Ciclo Pre-Sekundaria hamutuk 121, kompostu husi Mane 59 no Feto 62.
Diretor Ensino Basico Filial Uatu-Misa , Rogerio Estanislao Sarmento , hato’o lia hirak ne’e iha entrevista espesial ho Jornalista Online Lifaupress.com, Iha edifisiu Ensino basiko Filial Uatu-Misa ,Suku Uatu -Oli ,Postu Administrativu Venilale, munisipiu Baucau, Segunda Feira (01/04/2024) tuku 10.00 dader OTL.
Diretor EBF Uatu-Misa, Rogerio Sarmento hateten, materia ba ezame oeriudu dahulukpreparadu antes, tuir turma idaidak. Ba ezame ne’e, turma dader ba Primeiru siklu no loraik no 3° Ciclo Pre-Sekundaria. “ Tenki jere hanesan ne’e, tanba menus Sala de aula atu estudante sira tuir materia ezame nian ho di’ak,” Diretor Rogerio Sarmento esplika.
Nia dehan tan, “ Tanba menus professore , nue’e kada profesor da turma halo vijilansia ba nia estudante kada Sala de aula.”
Aliende ne’e, EBF Uatu-Misa mos enfrenta problema falta meza, kadeira, armariu livrus, edifisiu, menus professor no seluk tan. “ Ami Hato’o ona proposta ba Governu hodi resolve problema sira-ne’e, maibe sidauk iha resposta,” nia informa.
Iha tempu Oitavu Governu Konstitusional nia ukun, promete atu halo edifisiu tolu ba Eskola ne’e. Maibe to’o ohin loron seidauk realiza husi ukun na’in Sira.
Atualmente, EBF Uatu-Misa iha professor na’in 14 kompostu husi profesor permanente na’in 6 no profesor parsial na’in 8. “ Ami Preciza tan Professor atu hanorin,” nia hateten.
Diretor EBF Uatu-Misa ne’e mos husu Inan – aman sira, atu haruka oan sira ativu eskola, hodi aprende. Tanba futuru iha sira-nia liman rasik. Maske menus profesor no edifisiu, jestor eskola ne’e, buka meius oioin atu eduka labarik ba futuru. (*)
