Reportajen : Celcia Magno
OEKUSSE (Lifaupress) : Alberto Pinto, Timoroan ne’ebe hela iha Kupang Indonesia, hamonu matawen, bainhira hato’o espresaun sentimentu pasadu nian, ne’ebe familia infrenta desde tinan 1999 no to’o ohin-loron, fahe malu\ tanba familia la iha unidade no paz iha Timor-Leste.
Desde violensia mosu, konsekuensia husi rezultadu Konsulta Popular 1999, Alberto Pinto hases aan ho familia seluk ba Kupang Indonesia, fatin ne’ebe nia hela ba to’o ohin – loron.
Tuir Observasaun Jornalista www.lifaupress.com, Alberto Pinto hamonu matawen, triste tebes kauze minutu 10 hanesan ne’e, tanba familia husi Timor la iha unidade no paz iha tempu pasadu to’o ohin loorn, tanba deit familia balun hakarak TL ukun-an no balun seluk hakarak Indonesia mak ukun Timor. Nune’e familia husi Alberto Pinto Fahe malu, ate agora seidauk iha dame no paz no la perdua ba malu.
Alberto Pinto hato’o espresaun triste ida ne’e, bainhira halao dialogu datolu ba rekonsiliasaun entre Timor oan ho Juventude iha ambitu festival Fronteira Raeoa 2024 iha Otel Cinco Estrelas Oe-Upu Oekusse, Sesta – feira (18-10-2024), tuku 3 loraik OTL.
“Agradese tanba Governu TL liuhusi Centru Nasional Chega realiza Festival Fronteira daruak nian ,iha Maliana no Oekusse hodi halo dialogu ida ne’e ,fo tempu barak ba juventude sira hotu husi timor oan ho indonesia atu koalia barak kona ba tempu pasadu no agora,” Alberto dehan.
Nia Reafirma dialogu ne’e diak tebes atu ema ida-idak hato’o problema nebe mak sira hasoru husi familia Timor no Indonesia nebe lakoi perdua ba malu,maibe liuhusi diskusaun ne’e atu hafanu hanoin ba juventude sira precisa perdua ba malu nune’e sai fali familia ida hanesan uluk husi avo antigu sira ate ohin loron tanba ran ida kultura ida.
Timor oan nebe hela iha Indonesia la’os la konsidera sira nia rain rasik,maibe tanba deit odiu malu ,hirus malu ,ba futuru hakarak fila mai ba ida-idak nia munisipiu precisa Dame paz no Unidade..
Timor oan nebe hela iha Indonesia la’os la konsidera sira nia rain rasik, maibe tanba deit odiu malu , hirus malu. Ba futuru, hakarak fila mai ba ida-idak nia munisipiu, presiza dame, paz no unidade. (*)
