Reportazen: Jerino Fernandes Barreto Pereira Bere
Oecusse(Lifaupress)Presidente Autoridade Regiaun Administrativa Espesial Oecusse-Ambeno (RAEOA)Regiu da cruz salu deklara la konkorda ho ateira lagua masin too Oebau iha Salaun Gabinete Presidente Autoridade(GPA) Oecusse Loron Segunda(13/10/2025) tanba konsidera impaktu ba aspétu kultural, sosial no ekonomiku iha Oecusse.
Presidente Autoridade RAEOA,Regiu Da Cruz Salu, deklara bainhira nia halo Komferensia imprensa katak Autoridade la aseita atu ateira lagua masin too Oebau. Deklarasaun nee sai tuir reuniaun ho parseiru estratéjiku, hanesan parte husi diskusaun kona ba dezenvolvimentu no projétu iha área Oecusse-Ambeno.
Iha okazion nee, Presidente esklarese katak povu Oecusse mak sei sente impaktu diretu husi projetu nian, tanba rai nee iha valor arkeolójiku, kultural, sosial no ekonomiku boot.
“Ami la konkorda no la aseita atu ateira lagua masin too Oebau, tamba ami, Oecusse oan, hatene di’ak nia fundamentalidade no objetivu kona ba lagua nee nia funsionamentu ba arkeológika, kultural, sosial no ekonomikus balun,” hateten Presidente Autoridade.
Nia mos espresa agradecimento ba parseiru estratéjiku sira, hanesan sinal kompromisu atu halo dezenvolvimentu sustenta iha RAEOA, maibe hateten katak dezenvolvimentu tenke respeita karakterístika no identidade povu Oecusse.
“Hanesan ita nia parseiru estratéjiku, ita sei kontinua tur hamutuk atu identifika pontesialidade no risku antes halo implementasaun projetu. Ami hakarak dezenvolvimentu ida neebe dignifika povu no estadu Timor-Leste tomak,” nia hateten tan.
Entretantu iha Diskusaun kona ba kestaun lagua masin sei kontinua entre Autoridade RAEOA ho parseiru internasionál, atu hetan solusaun ida ne’ebé equilíbradu entre dezenvolvimentu no preservasaun patrimóniu natural no kultural Oecusse nian. (*)
