Reportajen : Candida Nunes Soares de Vasconselos
VATU-VOU ( lifaupress): Familia boot Uma Lisan Vatu-vouna’n, Mitir Selebra hamutuk Loron Finadu, Sabadu (02/11/2024) iha semitero aldeia Manuquebia, Suku Vatu-vou, Postu Admistrativu Maubara, Munisipiu Likisa.
Selebrasaun nee, halao Liuhusi vizita rate tuku,16:30 hodi kari aifunan no sunu lilin. Iha okaziaun nee, Lia nain husi Uma lisan vatu-vouna’n , Mitir, Agusto Marcal no Claudio Soares hamulak ba matebian Sira nooferese animal ba rate leten, nuudar simbolu domin ba Matebian sira.
Kustume nee halao ona kada tinan nuudar tradisaun no kultura Ida, ne’ebe beila sira rai hela mai jerasaun foun atu banati tuir ho konsiensia no metin diak liu tan.
Nunee kada tinan, maun – alin , beioan husi Uma Lisa vatu-vouna’n, Mitir, lori lilin, hahan, bua-malus, tabaku, sigaru, tua, na’an hodi oferese ba matebian sira.
Hafoin serimonia kari aifunan no sunu lilin, lia nain sira konvida familia no beioan sira fila ba Uma Lisa, vatu-vouna’n, Mitir hodi han hemu hamutuk, molok fahe malu. (*)
