Reportajen: Jacinta Mendes Goncalves
DILI (lifaupress) : Ema nain 59 grave, tanba ho sapa matrikula A.54.105 baku fila iha area dare,suku mulo postu Administrativu hato- builico, Munisípiu Ainaro, Domingu (27/10/2024) kuaze tuku 13:45 meudia.
Tuir informasaun ne’ebe jornalista www.lifaupress.com rekolla, kauza husi asidente ne’e, deskonfia tanba travaun no problema mudansa la funsiona di’ak.
Komandante Polisia Tranzitu (POLITRANS) Ainaru, Marito da Costa Coelho informa, total numeru pasajeiru seidauk serteza. Maibé nia dehan husi psajeiru nain 59, nain tolu seluk mak ho kondisaun grave.
Família vitima husi Josefa Carlos Mendonsa haktuir, familia husi Zumalai Raemia partisipa lia kultura iha Maubisse. Hafoin ko’alia lia remata, fila liuhusi Maubisse. Bainhira to’o Zumalai mak hetan asidente trafiku ne’e. “ Ha’u mós la espera,” Josefa hateten.
Entretantu sasin husi asidente trafiku ne’e, Julio deklara, antes kareta ne’e halai, ha’u mós hare rasik tula pasajeirus barak. “ Ha’u rasik horon kareta – nia kampas travaun iis loos. Depois la to’o tan oras, ha’u rona karreta baku fila iha Betua ,” Julio deklara.
Hafoin akontese asidente trafiku ne’e, autoridade Polisia Trazitu Munisípiu Ainaru, BOMBEIRUS inklui mós Ambulansia too kedas iha fatin, no evakua vitima sira ba Sentru Saude, Postu Saude no Ospital Referal Maubisse, Munisípiu Ainaru, hodi halo Tratamentu emerjensia. (*)
