Reportazen: Lúcia Ramos Simões Freitas
DILI (lifaupress.com): Inan barak mak tur ahi iha uma no mos barak mak mate iha uma. Maibe mate iha uma, barakliu tanba la hatene kauza. Tanba, enkoraza Inan sira atu partu tenki iha fasilidade saude, atu pessoal saude sira treinadu bele atende ho profisional no previne mortalidade Inan ka bebe sira.
FOTO HAMUTUK: partisipante sira foto hamutuk ho Reprezentante UNFPA Timor-Leste, Bruce Campbell . Foto LP/ Lucia
Reprezentante UNFPA Timor-Leste, Bruce Campbell infroma ba ba Jornaliata sira iha Salaun Novu Turizmu Lecidere Dili, Segunda Feira (21/10/2024), iha ambiente atiidade formasaun hasa’e kapasidade no halo revizaun kona – ba mortalidade inan no bebe sira foin moris.
Inan mate iha familia ida, tuir Bruce Campbell, nuudar trazedia boot ida, tanba ne’e presiza tebes atu prevene no hapara mate ne’e.
” Jornalista – nia papel mak atu hatutan informasaun ka mensajem ba komunidade sira, katak númeru passu ka esforsu atu hatun mortalidade mak utiliza fasilidade tur ahi iha klinika, sentru saude no Ospital sira, “, Reprezentante UNFPA Timor-Leste Bruce Campbell hateten ba Jornaliata sira iha Fatin Salaun Novu Turizmu Lecidere Dili, Segunda Feira (21/10/24).
Nia esplika, prossesu akontese mate, maihusi atrazu tolu mak atrazu iha familia halo desizaun atu lori Inan ne’e ba Ospital, atrazu atendimentu iha fasilidade saude, no atruza atendimentu ekipamentu ka aimoruk mak la iha no minimu infraestutura sira, inklui eletrisidade. (*).
