Reportagen : Florentina Bianco da Cruz
DILI— (Lifaupress ) : HWPL, organizasaun nivel mundial husi Korea du Sul koopera ho Universidde Dili (UNDIL) realiza seminar, Segunda-feira (3/6/2025) kona-ba Edukasaun Paz.
Seminar ne’e partisipa husi sivita akademiku UNDIL, reprezentante HWPL Korea du Sul, Joseph Hwang (Managing Director of HWPL Global Branch 04), Brant Lee (General Director of Department of Peace Education HWPL Global Branch 04 no konvidadus balun. Objetivu husi seminar ne’e, atu introduz Paz no importansia kria paz iha familia, komunidade no nasaun ida.
Dekana fakuldade Siensia Saúde Universidade Dili, Fitri Kusumasari hateten, seminar ida-ne’e importante tebes, tanba introduz sedu ba jerasaun foun knoa-ba paz no moris iha ambiente oas.
“ Apresia tebes ba organizasaun HWPL husi Korea du Sul, ne’ebe foku ba edukasaun Paz no bele realiza duni seminar kona-ba iha UNDIL. Ami prepara ona seminar ne’e desde tinan kotuk,” Kusumasari hateten.
Tuir Dekana Fitri Kusumasari nia observaaun, Timor-leste presiza duni ambiente paz iha sosiedade atu prosesu dezenvolvimemtu nasional la’o susesu ba povu nia moris di’ak.
“Nasaun ne’ebé di’ak mak nasaun ne’ebe tau atensaun ba formasaun karater jerasaun foun sira, liuhliu formasaun karakter moris iha familia, sosiedade no nasaun laran,” nia dehan tan.
Espera Governu liuhusi politika edukasaun bele akomunula materia edukasaun paz, nuudar materia ida importante iha prosesu aprendizajen, hodi promove pa ba jerasaun foun sira .
Nia promote, hafoin seminar ne’e, Korpu dosente Fakuldade Siénsia Saúde sei halo diskusaun atu hare posibilidade programa ne’e iha kontinuasaun iha future.
“ Ami nafatin servisu hamutuk ho HWPL no ami sei prepara programa seluk tan, atu bele suporta programa ne’e, “ nia reafirma.
Iha sorin seluk, Hermenio Soares Pereiar, estudante Departementu Enfermagem Dentaria hatutan, liuhusi seminar kona-ba edukasaun paz, aprende liutan hodi hasa’e estudante sira-nia konsiensia kona-ba tolerensia ba malu iha diversidade kulturá no kona-na importansia paz.
” Seminar ne’e di’ak, atu nafatin konsensializa estudante sira, hodi promove, proteje, kuidadu no prezerva nafatin ita ninia patrimoniu kultura, hanesan istória patrimoniu naturál no mós iha diversidade kulturá,” nia hatutan.
Antes ne’e, HWPL fahe uluk materia paz ba estudante sira iha Lighthouse International School, Fatuhada, Dili, Kuarta (28/5/2025) hahu tuku 14.00 OTLto’o remata. (*)
