Reportajen Celcia Magno.
VENILALE(Lifaupress)Administrador Postu Venilale Jose Freitas Boavida ho Sesante Administrador Postu Venilale Miguel abertura ba Jogu Voleibol entre feto mane husi klubu sira hodi komemora loron ba 28 Novembro 2024 iha Kampu Voleibol Edifisiu Postu Administrativu Venilale munisipiu Baucau (08-11-2024)tuku 4 loraik OTL.
Objetivu husi jogu refere ne’e atu komemora loron importante 28 Novembru iha tinan ne’e ,atu halibur hamutuk juventude sira hotu kada suku , hodi hatudu talentu ba aktividade desportu hanesan Volibol ba feto no mane.
Abertura ba jogu Voleibol husi Juventude mane husi klubu Uai-Oli ho klubu Monte no feto klubu Uai-Oli ho Klubu Nakata.
Aliende ne’e ba jogu volebol klubu hamutuk 20 husi juventude Postu administrativu Venilale ,enkuantu Feto klubu 8 , mane klubu hamutuk 12,no jogu refere sei remata iha 25 Novembro 2024 tinan ne’e.
Administrador postu Venilale Jose Freitas Boavida antes abertura jogu Voleibol hateten ,ba jogu refere atu komemora loron importante nebe sei selebra iha loron 28 Novembro tinan ne’e hodi realiza jogu voleibol ba feto no mane sira hodi hatudu mentalidade no talentu ida-idak husi jogadores sira tanba ba jogu futeboll realiza ona iha fulan Maiu liuba.
Entretantu Prezidente Komisaun Organizadora ba Jogu Voleibol Jose Da Silva Magno ba Jornalista Onlinelifaupress hateten Liuhusi jogu ne’e atu hasa’e mentalidade Juventude sira liuhusi sira ida-idak nia kreativu jogu voleibol na feto no mane.
Juventude Uai-Oli Hermengildo Ximenes sente orgullho ba jogu refere tanba Postu Venilale bele realiza fali jogu amizade voleibol entre feto no mane no ohin abertura ami Uai-Oli manan ho Clube monte 3-1.
Ba abertura jogu Voleibol Juventude Mane klubu Uai-Oli manan ho skor 3-1 ba Clubo Monte no ba klubu Feto Nakata manan ho skor 3-0 ba Klubu Uai-Oli. (*)
