DILI (lifaupress): Governu Rejiaun Administrativa Espesial Oe-cusse Ambeno (RAEOA) ho Instituto Naçional para a Defesa dos Direitos da Criança (INDDICA) Timor-leste, asina Memorandum Of Anderstanding (MOU) kona-ba servisu protesaun labarik.
Iha serimonia asina MOU ne’ebe halao iha salaun enkontru GPA Oe-cusse, Tersa-feira (30/9/2025) ne’e, RAEOA reprezenta husi Prezidenti Autoridade Regio da Curuz Salu no INDICCA reprezenta husi Preexidenti INDICCA, Maria Grandinnero.
Prezidenti Autoridade RAEOA, Regio da Cruz Salu iha nia intervensauan hateten, Governu RAEOA kompremetidu atu tau matan ba protesaun labarik nudar future lider ba rai nee no lider ba Timor-leste.
“ Protesaun ba labarik no feto, nudar responsabilidade, instituisaun, moral no etika, atu ita-hotu tau matan. Tanba labarik sira presiza duni tulun, atu sira bele moris seguru, livre no hetan asesu fasil ba edukasaun, saude no seluk tan,” Prezidenti Autoridade RAEOA, Regio da Cruz reafirma.
Atu haforsa protesaun ba labarik, Governu RAEOA estabele Gabine ida ba protesaun labarik no feto hodi tau-matan ba assuntu rua ne’e.
“ MOU ne’e hatudu kumprimisiu protesaun legal ba labarik. Amostra obrigasaun institusional no moral atu servisu ba labarik. Ita harii unidade teknika Ida ba protesaun labarik. hodi adopta Planu Asaun Regional ba Protesaun Labarik no dezenvolve potensia ba labarik,” PA Regio da Cruz hateten.
. Alemde ne’e estabelese fundu estesial ba asuntu social, nune’e GOV Raeoa iha kmprimisiu ba asuntu Protesaun labarik no labarik feto nudar asuntu Ida importante
“ Ami konsiente ba asuntu investimentu ba labarik no feto. Ami sei interpreta iha programa sira nivel institusional no funsional, atu tau matan ba labarik sira-nia futuru.
Prezidenti Autoridade ne’ebe asumi knaar desde loron 1 Setembru 2025, husu mos ba INDICCA atu ajuda RAEOA estabelese Planu Asaun Regional protesuan labarik.
Entretantu Prezidenti INDDICA, Denorah Suzete Ximenes Granadeiro apresia RAEOA ne’ebe prontu ona asina MOU ida-ne’ebe hein tiha ona durante tinan tolu.
“ Ami apresia tebes autoridade RAEOA ne’ebe seriu tau atensaun ba protesaun labarik. Espera ba oin, kooperasaun sei metin liutan, liuliu oinsa resolve labarik barak husi Oe-cusse ne’ebe la asesu edukasaun ona, tanba buka moris iha capital Dili,” nia dehan.
INDDICA informa, bazeia ba assessment ba kondisaun moris husi labarik balun nia ian-aman iha Oe-cusse, hatudu moris duni iha kondisaun ekonomia fraku. Nune’e ho asistensia husi INDDICA, konsege lori ona labarik na’in 8 mai fali Oe-cusse,
Nia husu ba RAEOA, atu kontinua tau atensaun ba labarik sira neebe fila mai Oe – cusse, liuliu atensaun ba labarik sira atu goza sira-nia direitu baziku iha asesu edukasaun, saude, protesaun no dezenvolvimentu.
Fo hanoin mos ba Inan-aman sira, atu tau matan ba labarik sira, garantia labarik sira goza sira – nia direitu.
Timor-leste asina ona Konvensaun Direitu Labarik. Tratadu kontra violensia ba labarik no sai ona membru Asosiasaun Mundial kontra violensia ba labarik. (*)
