Reportajen : Celcia Magno
OEKUSSE(Lifaupress) : Prezidente Autoridade Rejiaun Administrativu Esesial Oe-cusse – Ambeno (RAEOA), Rogerio Tiago Lobato prontu atu kontribui finanseira ba Jornalista sira iha Timor laran tomak nebe hakerek kona ba juventude sira nia viagem moris iha Rai laran nebe sei hala’o iha tinan oin 2025 bainhira selebra loron Jornalismu Da paz liberdade imprensa.
Aliende ne’e mos PA RAEOA husu ba Centru Nasioanal Chega (CNC) atu halo komparasaun ne’e transnasional labele deit iha Timo-Leste , bele fo oportunidade ba jornalista sira iha Indonesia sira bele hakerek kona ba realidade povu TL sira enfrenta loron loron.
Prezidente Autoridade RAEOA hateten ida ne’e iha nia diskursu hafoin fahe premiu Jornalismu da Paz Maria Goreti Joaquim iha Festival Fronteira 2024 Oebau Oekusse Kuarta Feira (16-10-2024)tuku 9:45 kalan OTL.
“Atu nune’e halo ita nia amizade boot liutan kona rekonsiliasaun ba ema nebe terus lakon mak bele fo valor ba ema hotu liuhusi Jornalista sira nia servisu iha futuru mai ” Rogerio hateten. Tuir planu, Festival Fronteira 2025 sei realiza iha Munisipiu Covalima. (*)
FOTO HAMUTUK : Manan na’in premiu Maria Goreiti ba kategoria Jornalizmu Paź, ne’ebe realiza husi CNC Timor-leste, hasai foto hamutuk, hafoin simu premiu ne’e iha Oe-cusse, Kuarta (16/10/2024), ambiente selebrasaun Loron Nasional Liberdade Imprensa. Foto LP/Selestinho
