Reportajen: Florentina Bianco da Cruz
OE-CUSSE AMBENO – Kandidatu membru Polisia Nasional Timor-Leste (PNTL) foun na’in 719 iha Região Administrativa Espesial Oé-Cusse Ambeno (RAEOA), partisipa exame kultural iha Escola Básica Central 1 de Maio, Palaban, Pantae Makasar, Oe-cusse.
Superintendente da Polísia Herman Metan, nudar koordenadór prosesu rekrutamentu PNTL iha Oé-Cusse, hatete, ezame kultural nee parte fundamental iha pontu formal seleksaun ba kandidatu sira.
“Ohin ita hala’o prova kultura ba kandidatu foun husi Oé-Cusse ho total 719. Prova komesa tuku 8, halo iha sala Ida to sala hamutuk 18. Kada sala organizadu deit ba grupu kandidatu sira, halo priense dokumentus sira ne’ebé presiza antes tama ba sala,”
Superintendente da Polísia Herman Metan, hato’o assunto ne’e ba Jornalista iha fatin ezame eskola EBC 1 de Maio, Palaban, Pante Makasar Oe-cusse.
Antes ezame komesa, kandidatu sira partisipa iha termu abertura ho esplikasaun konaba regra no dever ne’ebé tenki tuir durante prova. Ezame hahu tuku 10:00 no remata tuku 12:30, ho materiá Sira ne’ebé inklui Konstituisaun RDTL, História, Matemátika, Língua Tétum no Língua Portugés.
“Perguntas iha ezame kultural nee mak hamutuk 50. Ami prepara ona folha perguntas nian no orienta ba kandidatu sira atu responde deit tuir tempu no disciplina nebee Mak Iha ona,” hatete Herman.
Husi akordo ho nia, depois ezame kultural remata, sei Iha tan ho ezame seluk tuir fase rekrutamentu PNTL nian, no ba bahan ezame Eskrita nian nee, sei hala’o koreksaun husi makina edukasaun nian atu hatene rezultadu kada kandidatu ida-idak nian, nune Sira sei hatene, Sira nia pontu no status pasa ka la pasa.
Iha sorin seluk, Inspetór Jerál PNTL, Superintendente Xefe Jorge N.A. Monteiro, nudar Vice-Presidente Komisaun Rekrutamentu PNTL, konfirma tan katak loron 12 de Outubru 2025 markadu nudar loron ofisiál ba ezame kultural iha Oé-Cusse, tenki prinese ho Kalma tuir Saida Mak kandidatu Sira hatene ona, karik Sira neebe la Marka prezensa Iha Loron ohin Tempu ba Sira mos hotu ona, la Iha toleransia ba Sira.
“Se kandidatu ne’ebé pasa iha prosesu admisaun, maibé la marka prezensa ba ezame kultural, entaun sira la iha tan oportunidade atu kontinua tuir prosesu seleksaun. Ida nee implementasaun tuir regulamentu ofisiál husi Minístériu Interior,” hatete Jorge Monteiro.
Jorge Monteiro mós informa detallu kona-ba sistema akumulativu ne’ebé uza iha rekrutamentu PNTL atu garante transparénsia no justiça ba kandidatu hotu.
“Prova kultural hanesan fase dahuluk. Depois, sei iha prova psikolojia, pisikomotor, entrevista profesional no prova aptidaun físiku. Valor kada prova sei halibur hamutuk, depois foin fahe ba aspeitu haat. Valor total ne’e mak determina rezultadu final. Valor mínima atu pasa mak 60 nulu resin,” hatete nia.
Nia Salienta tan, Prosesu rekrutamentu nee halo iha ambiénte organizadu no disciplinadu, ho kandidatu sira demonstra motivasaun aas atu servi iha korpu seguransa estadu.
“Ita fiar katak prosesu nee sei ajuda seleziona kandidatu ne’ebé iha kapasidade, kualidade no integridade atu kontribui ba estabilidade no seguransa nasional,” finaliza Superintendente Jorge Monteiro. (*)
