Reportajen : Maria Feno Colo
Dili ( Lifaupress) : Sekretaria Estadu Formasaun Profisional no Empregu (SEFOPE), haruka tan Traballador Timor-oan 104, ba servisu iha nasaun Korea do Sul, iha área Fabrika no Peskas, durante tnan 4 fulan 10.
Diretor Diresaun Nasional Exterior Estranjeiru, João Correia Pereira. Foto LP/Maria Feno
Tuir Diretor Diresaun Nasional Exterior Estranjeiru, João Correia Pereira hatete, molok husik hela rai doben Timor-leste , trabalalador sira ne’ebe kompostu husi mane 93, no Feto 11asina deklarasaun ho Governu no Inan Aman sira.
“Liuhusi Asina deklarasaun ne’e, traballador, Governu no Inan Aman sira konkorda ona atu husik traballadór sira ba servisu iha Koreia du Sul. Ho numeru ikus ne’e, atinji ona traballador 940 resin mak aruka on aba Korea du Sul. Númeru ne’e boot liu, kompara tinan kotuk. Agora dadaun traballadór 104 maibé iha re-entri na’in 8 “, Diretor Diresaun Nasional Exterior Estranjeiru, João Correia Pereira dehan ba Jornalista sira iha Salaun Timor Lodge, Dili, Kuarta – feira (06-11-2024).
Traballador sira – nia objetivu ba servisu Korea du Sul, atu hadia ekonomia familia no servi sosiedade hotu. Nune’e, tenki kumpri regras no servisu ho badinas.
“Husu ba ita boot sira tenke hanoin no husu aan kona – ba saida mak hau sei halo bainhira ha’u fila mai Timor, ba hau – nia a’an no ba familia sira. Husu mos ita – boot sira atu sevisu ho vontade tomak, badinas no kuidadu aan tanbá saúde importante,” nia dehan.
Heriyanti Tuati, TRABALLADOR. Foto LP/Maria Feno
Iha fatin hanesan, Traballadora Heriyanti Tuati sente kontente ho oportunidade servisu iha Korea du Sul. “Ha’u sente kontente tebes ho oportunidade ne’e. Nu’udar joven ida, iha mehi hakarak servisu iha ema nia-rai. Bainhira termiña, ha’u sei fila mai ajuda familia no fahe fali esperiensia ba maluk joven sira,” Heriyanti Tuati dehan.
Nia mos husu ba maluk joven sira hotu, nafatin esforsu. Loron ruma sei hetan oportunidade hanesan. Heriyanti Tuati rasik, hafoin liutiha teste hein hein to’o tinan rua mak foin hetan oportunidade. (*)
