Reportajen : Jerino Fernandes Barreto Pareira Bere
Oecusse(Lifaupress) : Jornalista, ohin-loron sai ona profisaun ida ne’ebe dignu no profisional. Maibe, hakarak sai jornalista, tenki prontu simu vitima tolu mak vitima ba tempu, materia no vitima ba vida.
Formador Jornalista, Otelio Ote, hatoo asuntu nee bainhira Hau Formasaun Turma Datuak ba formadu Sira iha Pante Makasar Oecusse, Sabadu (04/10/2025).
Formasaun Jornalizmu baziku nee, partisipa husi ema nain 19 ( Feto 10, Mane 9), maioria formadu Eskola Sekundaria no estudante Universitariu.
” Ohin loron sai jornalista profisional la’os fasil. Nune’e, Formasaun Jornalizmu Baziku importante tebes ba sira-neebe iha hanoin no hakarak atu sai jornalista iha futuru,” nia dehan.
Foin – sa’e sira husi rejiaun Administrativa Espesial Oe- cusse Ambenu( RAEOA) antusias tuir formasaun Jornalismu, realiza husi Sentru Talentu Jornalismu (STJ) Dili no Online lifaupress.com. Formasaun nee hala’o iha Masin – Boot, Aldeia Sanane, suku Costa, postu administrativu Pante-Makassar, RAEOA.
Klaru liu, Otelio Ote ne’ebe tinan barak ona sai.mestre ba jornalista barak iha Timor -leste esplika, tempu nudar rekezitu importante iha ezersisiu profisaun Jornalista.
” Servisu Jornalista, servisu oras 24. Nune’e, Jornalista tenki prontu kualker tempu atu halibur informasaun, prosesa too publika notisia ba publiku,” Otelio hateten.
Entretantu, vitima ba materia signifika jornalista prontu atu hola fasilisdade ruma bainhira fasilidade husi ppkompanhia falla iha ezersisiu profisaun.
No prontu simu vitima ba vida, signifika jornalista prontu atu sai vitima aan ba violensia sira neebe mosu, tanba produtu Jornalistiku, ne’ebe la publika lia loos ka la halo Ema satisfas,” nia dehan tan. (*)
