DILI(Lifaupress) : Comite Central Revolucionario Timor-Leste Independente (CCF) presta homenajen ikus ba Saudozu Antonio Soares Da Silva Mau-Kalo,molok ba halot iha fatin deskansa ikus Jardim Dos herois Metinaro Dili Tersa Feira (22-10-2024) CCF comoro Dili tuku 12:00 Dader OTL.
Antes saudazu mai iha Comite Central Revolucioanariu Timor-Leste Independente CCF ,iha tuku,11:40 Consellho Combatentes da Libertasaun Nasioanal CCLN presta uluk homenajen ikus ba Saudozu Mau-Kalo iha KaiKoli Dili , kontinua presta homenajen husi Comite Central Revolucionariu Timor-Leste Independente CCF hafoin ne’e remata sei kontinua ba iha Falintil Forsa Defeza Timor-Leste F-FDTL Fatuhada ikus mak ba halot iha Jardim dos Herois Metinaro Dili iha tuku 3,loraik to’o remata.
Saudozu Mau-Kalo husi CCLN to’o iha fatin CCF Comoro Dili ,Sira hahu uluk ho homanjen ikus ho kantiku patria no um De Silencio ba Saudozu Mau-Kalo.
Prezidente Partidu Fretilin, Francisco Guterres Lu-Olo hodi partidu Fretilin nia naran presta homenajen ikus no agradese ba Saudozu Mau-Kalo nia luta ba Timor husi invazaun to’o ohin loron ukun-an ,tanba lakon soldadu diak ida rai ida-ne’e.
“Ba Soldadu sira iha Timor-laran tomak precisa atu kuidadu malu, ba saude ,no kuidadu an didiak nune bele moris to’o tinan naruk , tanba veteranus sira sura ho liman deit ona”.Dehan Lu-Olo.
Iha 1976 Mau-Kalo sai kargo komandante Pelutaun movel ikus mai trnasforma ba forsa intervensaun.
1977-1978 Mau-Kalo nomeadu komandante pelutaun primeira kompanhia de Choque.Hafoin zona liberdade rahun husi 1979-1980 Mau-Kalo kontinua komandante pelutaun forsa konsentrada.
Liu tiha konferensia reorganizasaun Nasional iha 1981 Saudozu ezerse kargu komandante pelutaun quatru kompanhia husi brigada vermelha kolokadu iha rejiaun nakroma.
Iha tinan 1984-1991 Saudozu asume kargu segundu komandante unidade III ba forsa konsentrada.Bataliaun 300 husi forsa invazaun Indonesia kaptura Mau-Kalo iha,20-06-1991,no sai prizoneiru iha Soibada Ainaro 1996.
Iha prizaun Ainaro 1996 Mau-Kalo involve iha atividade organizasaun Frente Klandestina to’o 1999ikis mai reingresu ba forsa armada FALINITIL.
Entretantu Saudozu Antonio Soares ho kodigu Mau-Kalo simu kondekorasaun ho medalha ordem de Guirilha iha 19 fulan Maiu 2007 no hetan fitun tolu bazeia ba nia partisipasaun ,dedikasaun no sakrifisiu naruk luta ba ukun rasik.
Iha periodu ukun rasik an ,Saudozu Mau-Kalo asume kargu nudar xefe repartisaun justisa F-FDTL hodi servi instituisaun sagradu nebe ho domin ,konsistensia responsabilidade no honestidade.
Antes tama ba periodu invazaun saudozu tama forsa armada Libertasaun Nasional Timor-Leste Nasional (FALINTIL)nu’udar soldadu iha sentru instrusaun Taibesi Dili .
Saudozu mos sai hanesan militar ho kargu soldadu partensia ba kompanhia movel
ho komando Paulino Da Gama Mauk Moruk iha setor ponta Leste.
2017-2022,saudozu Antonio Soares da Silva “Mau-Kalo”eskolidu sai xefe casa civil militar ,Prezidente Republika Democratica Timor-Leste (RDTL) ba Francisco Guterres Lu-Olo.
Saudozu hakotu nia peregrinasaun ho idade 62,iha loron 12-10-2024,bainhira hala’o tratamentu iha ospital Malasia tanba sofre moras prostat. (*)
