Reportagen: Jerino F B P Bere/Osclarita D C Eco/Rosita Taec Tilo/Dulce da conceicao lim.
Oecusse(LifauPress)– Presidente Komissaun Assosiasaun Korrida Kavalo Oecusse-Ambeno (AKKOA), Mário Muni Organiza kompetisaun halai kuda iha tinan ida nee halao iha Noeninen,sucu cunha Regiaun Administrativa Espesial Oecusse Ambenu,husi loron 21 to’o 23 fulan Oktober, nudar parte husi komemorasaun Loron Dezastre Mundial.
Segundo Mário, organizasaun atividade ida nee husi koordenasaun entre Asosiasaun Korrida Kavalo Oecusse-Ambeno (AKKOA),Komissaun Organizadora APC Nasional no Regional, no Autoridade Regiaun Administrativa Espesial Oecusse-Ambeno (RAEOA), hodi loke oportunidade ba desportu tradisionál halai kuda no dezenvolve komunidade.
“Objetivu ami mak atu hadia no promove desportu halai kuda hanesan parte husi dezenvolvimentu komunitáriu. Iha tempu naruk ema husik, maibé agora ita hakarak foti fali sai industria ne’ebé bele kontribui ba ekonomia lokal,” Mário Muni hateten .
Iha kompetisaun nee, kuda 59 rejistu atu partisipasaun, no 46 tama ba final, entre sira 27 la konsege pasa. Kuda sira partisipante mos kompon husi klasse C no D regional hamutuk ho pemula lokal.
Mário explica tan katak,desportu halai kuda la de’it desportu tradisionál, maibé mos iha valor ekonomi.
“Kuda mak industria. Bainhira ita hakiak kuda no treina diak, folin kuda sei sae. Iha merkadu folin kuda sei hasae mos, tanba nee mak ami hakarak dezemvolve industri ne’e iha Oecusse,” nia hateten.
Durante kompetisaun nee, asossiasaun hamutuk komissaun no kuda-nain sira kontinua ho esperansa forte maski kampu korrida seidauk finaliza konstrusaun.
“Maski kampu seidauk kompletu, ami konsege realiza kompetisaun tinan rua nia laran. Esperansa mak autoridade RAEOA sei akelera finalize kampu, para iha kondisaun diak no seguru,” Presidente AKKOA klarifika.
Nia mos sublinha katak halo ateiru no hadia parte lutu iha kampu importante atu prevene dezastre bainhira kuda halai.
Iha parte finál, Mário Muni hatutan mos kona ba premiu ba kuda-nain sira. Nia hateten, AKKOA sei halo koordenasaun ho parte doadores hanesan Sekretaria Assuntu Proteksaun Sivil, atu organiza premiu no estimula partisipasaun komunidade. “Importante liu mak ita halo atividade nee ho kontenti no hadia animu komunidade iha Oecusse.”nia dehan.
Asosiasaun Korrida Kavalo Oecusse-Ambeno (AKKOA) kontinua ho determinasaun atu promove desportu tradisionál halai kuda iha Rejiaun Oecusse-Ambeno, nudar parte husi ezforsu atu dezenvolve kultura, ekonomia lokal.
Batista Leos, hanesan representante husi AKKOA, hateten katak vontade ba kultura tradisionál sei la lakon, tanba nee asossiasaun hakarak kontinua sustenta atividade desportiva ne’e.
“Ita bele hamoris mos sistema ekonomia komunidade. Wainhira ita hakiak kuda, ita presiza batar; entaun folin batar mos sei sae. Komunidade bele faan aihan ba kuda,” nia dehan. (*).
